އެސްއެމްއީ ބޭންކުގެ މެނޭޖިން ޑިރެކްޓަރަކަށް ބަދުރު

ބީއެމްއެލް އިން ގަތް، އެސްއެމްއީ ޑިވްލޮޕްމަންޓް ބޭންކް (އެސްޑީއެފްސީ) ގެ މެނޭޖިން ޑިރެކްޓަރުގެ މަގާމަށް ބަދުރުއްދީން ހަސަން އައްޔަންކޮށްފި އެވެ.

ބީއެމްއެލްގެ ޑިރެކްޓަރު އޮފް ރީޓެއިލް އެންޑް އެސްއެމްއީ ބޭންކިންގެ މަގާމުގައި ހުންނެވި ބަދުރު އެސްއެމްއީ ބޭންކުގެ މެނޭޖިން ޑިރެކްޓަރުގެ މަގާމަށް އައްޔަން ކުރިއިރު އޭނާއަކީ ކުދިމެދު ފަންތީގެ ވިޔަފާރީގެ ފައިނޭންސުގެ ދާއިރާއިން ހާއްސަވެފައި ތިބި މަދު ދިވެހިންގެ ތެރޭ ހިމެނިވަޑައިގަންނަވާ ބޭފުޅެކެވެ. 

ބަދުރަކީ ޔުނިވާސިޓީ އޮފް ވެސްޓް އޮފް އިންގްލޭންޑްއިން އެމްބީއޭ ހާސިލްކުރައްވައިގެން ހުންނެވި ބޭފުޅެވެ. މީގެ އިތުރުން ބޭންކުން ދާއިރާގައި 13 އަހަރަށްވުރެ ގިނަ ދުވަހު މަަސައްކަތް ކުރައްވާފައިވެ އެވެ. 

އެސްއެމްއީ ބޭންކުގެ ޗެއާމަންގެ މަގާމުގައި ހުންނަވާނީ އެ ބޭންކް ގަތް ބީއެމްއެލްގެ އެމްޑީ / ސީއީއޯ މުހައްމަދު ޝަރީފްއެވެ. އަދި ބޯޑުގެ ޑިރެކްޓަރުގެ މަގާމަށް ފާތިމަތު ފަރީހަތު ވަހީދު ވެސް ވަނީ އައްޔަންކޮށްފަ އެވެ.