ގުޅިފަޅުން ދޫކުރާ ގޯތިތަކުގެ އިން ވަކިކުރަން ފަށައިފި
އެ މިނިސްޓްރީން މިރޭ ބުނެފައި ވަނީ ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިން ވަކިކުރުމުގެ މަސައްކަތް މިއަދު ވަނީ ފަށާފައިވާ ކަމަށެވެ.
ބިންވެރިޔާ ސްކީމްގެ ދަށުން، ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިން ވަކިކުރުމުގެ މަސައްކަތް މިއަދު ފަށައިފި އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ހަދާފައިވާ ގުޅިފަޅުގެ ލޭންޑް ޔޫސް ޕްލޭނަށް ބަދަލު ގެނެސް، އޭރު ދޫކޮށްފައިވާ ގޯތީގެ ރަޖިސްޓްރީތައް މި ސަރުކާރުން ވަނީ ބާތިލުކޮށްފަ އެވެ.
އަދި ގިރާވަރުފަޅުން ދޭން ނިންމި ބައެއް ގޯތިތައް ވެސް ގުޅިފަޅުން ދޭން ބަދަލުކުރުމާއެކު، ގޯތި ލިބޭ މީހުންގެ މެދުގައި ގުރުނަގައި މިދިޔަ މޭ މަހު ވަނީ ރަޖިސްޓްރީ ހަވާލުކުރަން ފަށައިފަ އެވެ.
ހައުސިން މިނިސްޓްރީން އެންމެ ފަހުން ބުނެފައި ވަނީ 1،260 މީހަކަށް ގޯތީގެ ރަޖިސްޓްރީ ހަދައިދީ މިހާރު ހަވާލުކޮށްފައިވާ ކަމަށެވެ.
އެ މިނިސްޓްރީން މިރޭ ބުނެފައި ވަނީ ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިން ވަކިކުރުމުގެ މަސައްކަތް މިއަދު ވަނީ ފަށާފައިވާ ކަމަށެވެ.
ގުޅިފަޅުން ދޫކުރާ ގޯތީގެ އަދަދާއި ބޮޑުމިން
- 1250 އަކަފޫޓުގެ 669 ގޯތި
- 1650 އަކަފޫޓުގެ 1234 ގޯތި
- 2050 އަކަފޫޓުގެ 916 ގޯތި
- 2450 އަކަފޫޓުގެ 473 ގޯތި
- 2850 އަކަފޫޓުގެ 158 ގޯތި
- 3250 އަކަފޫޓުގެ 49 ގޯތި
- 3650 އަކަފޫޓުގެ 21 ގޯތި
ކޮމެންޓް
Republic of Maldives