އަފްޣާނިސްތާނަށް ބާރުގަދަ ބިން ހެލުމެއް

ހަނގުރާމައިގެ ސަބަބުން ބޮޑެތި ގެއްލުންތަކެއް ވެފައިވާ އަފްއާނިސްތާންނަށް ބާރުގަަދަ ބިން ހެލުމެއް އަތުވެއްޖެ އެވެ. 

އަލްޖަޒީރާގައިވާ ގޮތުން އަފްޣާނިސްތާނުގެ އިރުމައްޗަށް 6.0 މެގްނިޓިއުޑްގެ ބިންހެލުމެއް އައިސްފައިވާއިރު، މިހާތަނަށް ލިބިފައިވާ ދައްކާ ގޮތުގައި މަދުވެގެން 10 މީހުން މަރުވެ 20 މީހުން ޒަޚަމްވެފައިވެ އެވެ.

އެމެރިކާގެ ޖިއޮލޮޖިކަލް ސާވޭއިން ބުނި ގޮތުގައި 6.0 މެގްނިޓިއުޑްގެ މި ބިންހެލުން އައިސްފައިވަނީ ނަންގަހަރު ޕްރޮވިންސްގެ ޖަލާލާބާދު ސިޓީގެ އިރުމަތިން 27 ކިލޯމީޓަރު (17 މޭލު) ދުރުގައި ކަމަށެވެ. އެއީ އެންމެ 8 ކިލޯމީޓަރު (5 މޭލު) އަޑިންނެވެ.

އަފްއާނިސްތާން 2023 ވަނަ އަހަރުގެ އޮކްޓޯބަރު މަހު ވެސް ބާރުގަދަ ބިންހެލުމެއް އައިސްފައިވެ އެވެ. މި ބިންހެލުމެއްގައި 2،400 މީހުން މަރުވެފައިވާ ކަމަށް ވެރިކަން ކުރާ ތާލިބާނުން ބުނެފައިވެ އެވެ.