"ރާއްޖޭގެ ޓޫރިޒަމް ކުރިއަރުވަން މަނިކު ކުރެއްވީ ތައުރީފު ހައްގު މަސައްކަތެއް"

ދިވެހި ޓޫރިޒަމް ވުޖޫދު ކުރުމުގައި އިސްކޮށް ހަރަކާތްތެރިވި އެއް ބާނީ އަދި ޔުނިވާސަލް އެންޓަޕްރައިސަސްގެ ވެރިޔާ، އެމްޔޫ މަނިކު މިއަދު ހެނދުނު ސިންގަޕޫރުގައި އަވަހާރަވުމާ ގުޅިގެން ރައީސް ވަނީ ތައުޒިޔާގެ މެސެޖެއް ފޮނުއްވާފަ އެވެ.

މުހައްމަދު އުމަރުމަނިކް (އެމްޔޫ މަނިކު) --

ރާއްޖޭގެ ޓޫރިޒަމް ދާއިރާ މިއަދާ ހަމައަށް ތަރައްގީވެ، ކުރިއަރައި ދިއުމުގައި މުހައްމަދު އުމަރުމަނިކް (އެމްޔޫ މަނިކު) ކުރައްވާފައި ވަނީ ތައުރީފު ހައްގު މަސައްކަތްޕުޅެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ދިވެހި ޓޫރިޒަމް ވުޖޫދު ކުރުމުގައި އިސްކޮށް ހަރަކާތްތެރިވި އެއް ބާނީ އަދި ޔުނިވާސަލް އެންޓަޕްރައިސަސްގެ ވެރިޔާ، އެމްޔޫ މަނިކު މިއަދު ހެނދުނު ސިންގަޕޫރުގައި އަވަހާރަވުމާ ގުޅިގެން ރައީސް ވަނީ ތައުޒިޔާގެ މެސެޖެއް ފޮނުއްވާފަ އެވެ.

އެ މެސެޖުގައި ރައީސް ވިދާޅުވީ ރާއްޖޭގެ ޓޫރިޒަމްގެ އެއްބާނީ ނިޝާން މުލީގޭ ޝަރަފުގެ ޢިއްޒަތުގެ ވެރިޔާ އަވަހާރަވި ހަބަރު އެއްވީ ފުން ހިތާމައާ އެކުގައި ކަމަށެވެ.

"ރާއްޖޭގެ ފަތުރުވެރިކަން މިއަދާ ހަމައަށް ތަރައްގީވެ ކުރިއަރައި ދިޔުމުގައި އެމަނިކުފާނު ކުރައްވާފައިވަނީ، ތައުރީފް ހައްގު މަސައްކަތްޕުޅުތަކެއް. ރާއްޖެއަކީ ދުނިޔޭގެ ފެންވަރުގައި ފާހަގަކޮށްލެވޭ ފަތުރުވެރިންގެ ހާއްސަ މަންޒިލަކަށް ހެއްދެވުމުގައި އެމަނިކުފާނު ކުރެއްވި ބުރަ މަަސައްކަތްޕުޅުތަކާއި، އަދާކުރެއްވި ދައުރު ނުހަނު ބޮޑު،" ރައީސް ވިދާޅުވި އެވެ.

ރައީސް ވަނީ މާތްﷲ، މަރްހޫމްގެ ފުރާނައަށް ހެޔޮ ރަހުމަތް ލެއްވުމަށް އެދި ދުއާ ކުރައްވާފަ އެވެ.

ދައުލަތަށް 19 އަހަރަށް ވުރެ ގިނަ ދުވަހު ހިދުމަތް ކުރައްވާފައިވާ އަދި ދިވެހި ޓޫރިޒަމްގެ އެންމެ ބޮޑު އެއް މަރުކާކަމަށްވާ ޔުނިވާސަލްގެ ވެރިޔާ އެމްޔޫ މަނިކް އަވަހާރަވީ ސިންގަޕޫރު މައުންޓް އެލިޒަބަތު ހޮސްޕިޓަލްގައި ފަރުވާދެމުން ދަނިކޮށް މިއަދު ހެނދުނު 6.30 ގަ އެވެ.

އެމަނިކުފާނަށް ސިންގަޕޫރު ހޮސްޕިޓަލެއްގެ އައިސީޔޫގައި ފަރުވާ ދޭން ފަށާފައިވަނީ މީގެ ހަތަރު ވަރަކަށް ދުވަސް ކުރިންނެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.