ޖަމީލްގެ މުހިންމު ދެ ފޮތެއް | ބޮޑުތަކުރުފާނު ވާހަކަ އާއި އަލިރަސްގެފާނު ވާހަކަ
ޖަމީލު ވިދާޅުވި ގޮތުގައި މި ދެ ފޮތް ނެރުމުގެ ހިޔާލު އައީ ރާއްޖޭގެ އެންމެ މުހިންމު ދެ ބަަތަލުން ކަމަށްވާ އަލިރަސްގެފާނާއި ބޮޑު ތަކުރުފާނުގެ ވާހަކަ ފަސޭހައިން ކިޔައިލެވޭނެ އަތްމަތީ ގެންގުޅޭ ފޮތެއް ހޯދައި ދިނުމަށެވެ.
ލިޔުންތެރިޔާ އަދި ނޫސްވެރިޔާ އަބްދުﷲ ޖަމީލް ލިޔުއްވި ބޮޑުތަކުރުފާނު ވާހަކައާއި އަލިރަސްގެފާނު ވާހަކަ ނެރެފި އެވެ.
ދިވެހި ތާރީހާ ގުޅުންހުރި މުހިންމު މި ދެ ފޮތް ނެރުއްވައި ދެއްވީ މަޝްހޫރު ވިޔަފާރިވެރިޔާ ހ. ސީސައިޑް މުހައްމަދު އަލީ ޖަނާހާއި އެމަނިކުފާނުގެ މަންމާފުޅެވެ. - މި ފޮތުގެ ޕަބްލިޝާއަކީ ވެސް ޖަނާހު އެވެ.
މި ފޮތުގެ މުސައްނިފް ޖަމީލު ވިދާޅުވި ގޮތުގައި މި ދެ ފޮތް ނެރުމުގެ ހިޔާލު އައީ ރާއްޖޭގެ އެންމެ މުހިންމު ދެ ބަަތަލުން ކަމަށްވާ އަލިރަސްގެފާނާއި ބޮޑު ތަކުރުފާނުގެ ވާހަކަ ފަސޭހައިން ކިޔައިލެވޭނެ އަތްމަތީ ގެންގުޅޭ ފޮތެއް ހޯދައި ދިނުމަށެވެ.
"ކުރީ ޒަމާނުއްސުރެން ފެށިގެން އަންނަ ބޮޑުތަކުރުފާނު ވާހަކަ ފޮތް އޮތީ މިހާރުގެ ކުދިން ކިޔާލެވޭ ގޮތަކަށް ނޫން. އެހެންވެ މި ފޮތަކީ ކުރީން ނެރުނު ފޮތްތައްއެއްކޮށްލައި އޭގައި ހުރި ބޮޑު ތަކުރުފާނުގެ ބައިތައް ހިމަނައިގެން ނެރެފައިވާ ފޮތެއް. މި ފޮތް ސްކޫލް ނިންމާ ކުއްޖަކު އެންމެ ފަހަރަކު ކިޔައިލިޔަސް ގައުމިއްޔަތުގެ ގިނަ މައުލޫމާތުތަކެއް ލިބިގެންދާނެ،" ޖަމީލު ވިދާޅުވި އެވެ.
ބައެއް މަޝްހޫރު މީހުންގެ ބަޔޮގްރަފީވެސް ނެރުއްވި ޖަމީލު ވިދާޅުވީ ބޮޑު ތަކުރުފާނު ވާހަކައިގެ އިތުރުން އަލިރަސްގެފާނު ވާހަކަ ކިޔައިލިނަމަވެސް ގިނަ މައުލޫމާތުތަކެއް ލިބިގެންދާނެ އެވެ.
"މިހާރު ބޮޑުތަކުރުފާނު ވާހަކަ އެއޮތް ގޮތުން ގާތްގަނޑަށް އެތޮތީ އެތަކުރުފާނުގެ ބަޔޮގްރަފީއެއްގެ ސަޓައިލަށް. ފޮތުގެ ބޭރުގަނޑު ވެސް ތައްޔާރުކުރީ ރާއްޖޭގައި ތިބި މިކަމުގެ އެންމެ މޮޅެތި ކުދިން ބޭނުންކޮށްގެން. ބޭރުގަނޑުވެސް ހުންނާނީ މިޒަމާނުގެ ފޮތްތައް ހުންނަ ގޮތަށް ޝައުގުވެރިވާނެ ގޮތަކަށް ތައްޔާރުކޮށްފަ،" ޖަމީލު ވިދާޅުވި އެވެ.
މި ފޮތުން ޓްރަސްޓްފަންޑެއް، ގައުމީ ފޮތް ނެރެން އެހީ
އޭނާ ވިދާޅުވީ މި ފޮތް ނެރެން ރާއްޖޭގެ ނަން މަޝްހޫރު ގިނަ ކުންފުނިތަކަށް ދިޔަ ކަމަށާ ނަމަވެސް ފޮތް ނެރުމަށް ޕަބްލިޝާއެއްގެ ގޮތުގައި އެހީތެރިކަން ދެއްވަން ޝައުގުވެރިވީ ހަމައެކަނި ޖަނާހު ކަމަށެވެ.
"މި ޕްރޮޖެކްޓް ހިފައިގެން ދިއުމުން ޖަނާ ބައްދަލަވާލައްވާފަ ވިދާޅުވި ބޮޑުތަކުރުފާނުގެ ޒިކުރާ ދިރުވާކަމެއް ނަމަ ތިމަންނަ އެހީތެރިވެއްދެއްވާނަމޭ،" ޖަމީލު ވިދާޅުވި އެވެ.
މި ފޮތް ނެރުމަށް ބޭއްވި ރަސްމިއްޔާތުގައި ފޮތުގެ ޕަބްލިޝާ މުހައްމަދު އަލީ ޖަނާހު ވާހަކަ ދެއްކެވި އެވެ.
އެމަނިކުފާނު ވިދާޅުވީ ދުނިޔޭގެ އެކި ގައުމުތަކަށް ދަތުރު ކުރައްވާ ކަމަށާ އެ ދަތުރުތަކުން ފެނިގެންދަނީ އެ ގައުމުތަކުގައި ހުރީ ކޮލޯނިއަލް ވެރިކަމުގެ އަސަރު ފެނެ އެވެ. ނަމަވެސް ދިވެހިން ނަސީބު ގަދަކަމަށާ މިކަންވެފައިވަނީ ވަރުގަދަ ޝަޚްސިއްޔަތުތަކެއްގެ ސަބަބުނެވެ.
ޖަނާހު އިތުރަށް ވިދާޅުވީ މި ފޮތް ނެރުމާއެކު ލިބޭ ފައިސާ އިން ޓްރަސްޓް ފަންޑެއް ހަދަން ނިންމާފައިވާ ކަމަށެވެ. މި ފޮތުގެ މުސައްނިފް ޖަމީލް ބަލަހައްޓާ މި ފަންޑުގެ އެހީގައި މިފަދަ ގައުމިއްޔަތު ދިރުވާން ކަންކަން އެހީތެރިކަން ދޭން ނިންމާފައިވާކަމަށް ޖަނާހު ވިދާޅުވި އެވެ.
ކޮމެންޓް
Republic of Maldives