އެއާޕޯޓް ފުލް ސްކޭލް އިމަޖެންސީ އެކްސައިޒަކަށް ތައްޔާރު ވެއްޖެ

އެފެކްސް އެންމެ ފަހުން ބޭއްވީ 2022 ވަނަ އަހަރު އެވެ. މި އަހަރުގެ އެފެކްސްގައި 33 އިދާރާއަކުން ބައިވެރިވާއިރު ވޮލަންޓިއަރުންގެ ގޮތުގައި 400 އެއްހާ ފަރާތުން ބައިވެރިވި އެވެ.

އެއާޕޯޓުގެ ފުލް-ސްކޭލް އެމަޖެންސީ އެކްސަސައިޒްގެ ތައްޔާރީތަކުގެ ބައްދަލުވުން -- އެމްއޭސީއެލް

އެއާޕޯޓުގެ ފުލް-ސްކޭލް އެމަޖެންސީ އެކްސަސައިޒްގެ އެންމެ ފަހުގެ ތައްޔާރީތަކާ ގުޅޭ މައުލޫމާތު ހިއްސާކުރުމަށް ހާއްސަ ބައްދަލުވުމެއް ބާއްވައިފ އެވެ.

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ދިމާވެދާނެ އެމަޖެންސީ ހާލަތަކަށް ތައްޔާރުވެ ތިބުމަށް ބާއްވަން ނިންމާފައިވާ އެއާޕޯޓް ފުލް-ސްކޭލް އެމަޖެންސީ އެކްސަސައިޒް (އެފެކްސް) ގެ އެންމެ ފަހުގެ ތައްޔާރީތަކާ ގުޅޭ މައުލޫމާތު ހިއްސާކުރުމަށް ހާއްސަ ބައްދަލުވުމެއް ބާއްވައިފި އެވެ.

އެފެކްސްގެ ބޭނުމަކީ ދިމާވެދާނެ އެމަޖެންސީ ހާލަތެއްގައި ވީއައިއޭގެ އެމަޖެންސީ ޕްލޭން އަދި މުއައްސަސާތަކުގެ އެސްއޯޕީތަކާއި އެ ހަރަކާތުގައި ބައިވެރިވާ އެއާލައިންގެ ކުއްލި ހާލަތުގެ ޕްލޭން ޓެސްޓުކުރުމެވެ. އެ ހަރަކާތް މި އަހަރު ބާއްވަން ނިންމާފައިވަނީ 8 ސެޕްޓެމްބަރު 2025ގައެވެ. ހަރަކާތުގެ ޕާޓްނަރު އެއާލައިނަކީ ގަތަރު އެއާވޭސްއެވެ.

ހުޅުލެ އައިލެންޑް ހޮޓެލްގައި ބުރާސްފަތި ދުވަހު ހާއްސަ ބައްދަލުވުން ޝަރަފުވެރި ކޮށްދެއްވީ އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު މުހައްމަދު އެވެ. ބައްދަލުވުމުގައި އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު މުޖުތަބާ ލަތީފުގެ އިތުރުން އެމްއޭސީއެލްގެ އެކްސްކޯ އަދި ސީނިއާ މެނޭޖުމަންޓުގެ ބޭފުޅުންނާއި އެފެކްސްގެ ޕާޓްނަރު އެޖެންސީތަކުގެ އިސްވެރިން ބައިވެރިވެވަޑައިގެންނެވި އެވެ.

މި ބައްދަލުވުމުގައި ވާހަކަދައްކަވަމުން ސީއީއޯ ޝަރީފު ވިދާޅުވީ ވީއައިއޭ އޮޕަރޭޓްކުރާ ކުންފުނީގެ ހައިސިއްޔަތުން އެއާޕޯޓް ބޭނުންކުރާ ފަސިންޖަރުންނާއި އެއާލައިންތަކާއި އަދި އެއާޕޯޓުގައި މަސައްކަތްކުރާ ހުރިހާ މުވައްޒަފުންގެ ސަލާމަތާއި ރައްކާތެރިކަން ކަށަވަރު ކުރުމަކީ އެމްއޭސީއެލްގެ އެންމެ އިސް ވާޖިބު ކަމަށެވެ.

ބައްދަލުވުމުގައި އެމްއޭސީއެލްގެ ސީއީއޯ މުހައްމަދު ޝަރީފު ވާހަކަ ދައްކަވަނީ -- އެމްއޭސީއެލް

އެފެކްސްގެ ޕްލޭނިންގައި ހުރިހާ އިދާރާއަކާއި މުއައްސަސާއަކުން ދެއްވި އެއްބާރުލުން ފާހަގަކުރައްވައި ސީއީއޯ ޝަރީފު ވިދާޅުވީ, ހުރިހާ އިދާރާއަކާއި މުއައްސަސާތަކުން ދެއްވަމުން އަންނަ އެއްބާރުލުމާއި އެހީތެރިކަމަކީ އެއާޕޯޓުގެ ސަލާމަތާއި ރައްކާތެރިކަން ކަށަވަރު ކުރުމަށް ލިބޭ ވަރަށް ބޮޑު ހިތްވަރެއް ކަމެއް ކަމަށެވެ.

"ފާއިތުވެދިޔަ ތަނުގެ ތަޖުރިބާތަކުގެ އަލީގައި މި އަހަރުގެ އެފެކްސް ކުރިއަށްވުރެ ފުރިހަމައަށް ގެންދެވޭނެކަމާމެދު ޝައްކެއް ނެތް. އަޅުގަނޑުމެންގެ ކޮންމެ ސްޓޭކްހޯލްޑަރަކީ ކޮން ޒިންމާތަކެއް އަދާކުރާ ބައެއްކަން މި އަހަރުގެ އެފެކްސް އިން އަމަލީ ގޮތުން ދައްކަންޖެހޭ. އަދި ކޮމާންޑް އެންޑް ކޮންޓްރޯލް ނުގެއްލޭ ގޮތަށް މިކަން ކުރިއަށް ގެންދިއުމަކީ ވަރަށް މުހިންމު ކަމެއް,"

ވީއައިއޭގައި އެއާޕޯޓް ފުލް-ސްކޭލް އެމަޖެންސީ އެކްސަސައިޒް (އެފެކްސް) އެންމެ ފަހުން ބޭއްވީ 2022 ވަނަ އަހަރު އެވެ. މި އަހަރުގެ އެފެކްސްގައި 33 އިދާރާއަކުން ބައިވެރިވާއިރު, ވޮލަންޓިއަރުންގެ ގޮތުގައި 400 އެއްހާ ފަރާތުން ބައިވެރިވި އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.