ޖަރުމަނު ހިމެނެނީ ރާއްޖެ އަށް އެންމެ ގިނައިން ޓޫރިސްޓުން އަންނަ 10 ގައުމުގެ ތެރޭގަ އެވެ. އެ ގައުމު މިހާރު ޓޫރިޒަމްގެ ހަތަރު ވަނާގައި އޮތްއިރު ޖަރުމުން މިދިޔަ އަހަރު 157,246 ޓޫރިސްޓުން އައިސްފައިވެ އެވެ.
ރާއްޖޭގެ ޓޫރިޒަމްގެ އެންމެ ދުވަސްވީ އެއް މާކެޓު ކަމަށްވާ ޖަރުމަނުވިލާތުން އައި ޓޫރިސްޓުންގެ އަދަދު އެއް ލައްކަ އަށްވުރެ މަތިވެއްޖެ އެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން އިއްޔެނިޔަލަށް ޖަރުމަނުން 100,546 ޓޫރިސްޓުން އައިސްވެ އެވެ. އަދި އެ ގައުމު ރާއްޖޭގެ ޓޫރިޒަމްގެ ހަތަރު ވަނާގައި އޮތްއިރު އެ ގައުމުގެ ޓޫރިޒަމުން % 6.9 ގެ ހިއްސާ އެއް ކުރެ އެވެ.
ޖަރުމަނު ހިމެނެނީ ރާއްޖެ އަށް އެންމެ ގިނައިން ޓޫރިސްޓުން އަންނަ 10 ގައުމުގެ ތެރޭގަ އެވެ. އެ ގައުމު މިހާރު ޓޫރިޒަމްގެ ހަތަރު ވަނާގައި އޮތްއިރު ޖަރުމުން މިދިޔަ އަހަރު 157,246 ޓޫރިސްޓުން އައިސްފައިވެ އެވެ.
ޓޫރިޒަމް ހިސާބުތައް ދައްކާ ގޮތުން މި އަހަރުގެ މިހާތަނަށް ޖުމްލަ 1,463,566 ޓޫރިސްޓުން އައިސްފައިވެ އެވެ. މި އަދަދަކީ މިދިޔަ އަހަރު އައި 1,340,220 ޓޫރިސްޓުންނާ އަޅާބަލާއިރު ނުވަ ޕަސެންޓުގެ އިތުރުވުމެކެވެ.
މި އަހަރު ރާއްޖެއަށް 2.3 މިލިއަން ޓޫރިސްޓުން އަންނާނެ ކަމަށް ސަރުކާރުން އަންދާޒާ ކުރެ އެވެ. މިދިޔަ އަހަރު ދެ މިލިއަން ހަމަވެފައިވާއިރު މިދިޔަ އަހަރު ޓޫރިޒަމަށް ލިބުނު އާމްދަނީ ވެސް އިތުރެވެ.