މީހަކު ގެއްލިގެން ހޯދަނީ، އެންމެ ފަހުން ހަބަރެއްވީ ހަފްތާއެއް ކުރިން

މީގެ ހަފްތާއެއް ކުރިން ގެއްލުނު މީހަކު ހޯދުމަށް ފުލުހުން އާންމުންގެ އެހީއަށް އެދިއްޖެ އެވެ.

ގެއްލިގެން ހޯދަމުން ދަނީ ޏ. ފުވައްމުލައް، ދޫޑިގަން، ފަސީހްއާބާދު، މަސީހް އަބްދުލް ހަކީމް (41އ) އެވެ. އޭނާގެ ހަބަރެއް ނުވެގެން ފުލުހުންނަށް ރިޕޯޓް ކޮށްފައި ވަނީ މިމަހުގެ މިިދިޔަ ހޯމަ ދުވަހު އެވެ.

މަސީހް މިހާރު ދިރިއުޅެމުންދަނީ ހުޅުމާލެ، އެމްޕީއެލް ޓަވަރުގައި ކަމަށާއި އާއިލާއަށް އެންމެފަހުން ހަބަރު ވެފައިވަނީ މި މަހުގެ 20 ވަނަ ދުވަހު ކަމަށް އާއިލާއާ ހަވާލާދީ ފުލުހުން ބުންޏެވެ.

"މަސީހް އަބްދުލް ހަކީމްއާ ބެހޭ އެއްވެސް މައުލުމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަންބަރު 9393351 އަށް ގުޅުއްވައި ހިއްސާކުރެއްވުން އެދެން،" ފުލުހުން ބުންޏެވެ.