ރަސްމާލެ ބިން ހިއްކާ ސަރަހައްދު ކައިރީ ޑައިވް ނުކުރަން އިލްތިމާސްކޮށްފި

އެޗްޑީސީ އިން ބުނީ ވެލި ނަގައިގެން ޑްރެޖަރުން ވެލި އަޅަން ދަތުރު ކުރަމުންދާނެ ކަމަށް އެހެންކަމުން އެކަމަށް ސަމާލުވުން މުހިންމު ކަމަށެވެ،

ރަސްމާލެ ހިއްކުމުގެ މަސައްކަތް ކުރިއަށް ދަނީ

ރަސްމާލެ ބިން ހިއްކުމަށް ވެލި ނަގަމުން ގެންދާ ސަރަހައްދުތަކުގައި ޑައިވް ނުކުރަން ހައުސިން ޑިވްލޮޕްމަންޓް ކޯޕަރޭޝަން (އެޗްޑީސީ) އިން އެދިއްޖެ އެވެ. 

އެޗްޑީސީ އިން ނެރުނު ބަޔާނެއްގައި ބުނީ ރަސްމާލެ ބިން ހިއްކުމުގެ މަޝްރޫއުގެ ދަަށުން "ސީ" އަދި "ބީ" އޭރިއާ އާއި ބިން ހިއްކަން ވެލިނަގާ ސަރަހައްދާ ދޭތެރޭގައި 24 ގަޑިއިރު ޑްރެޖަރުން ވެލި ނެގުމުގެ މަސައްކަތް ކުރަމުން ގެންދާ ކަމަށެވެ. އަދި އެ މަސައްކަތް ކުރިއަށްދާއިރު ވެލިނަގާ ސަރަހައްދާއި ވެލިއަޅަން ޑްރެޖަރު ދަތުރު ކުރާ ސަރަހައްދާ ދޭތެރޭގައި ޑްރެޖަރުން ދަތުރު ކުރަމުން ގެންދާ ކަމަށެވެ. އެހެންކަމުން މި ސަރަހައްދާ ކައިރީގައި ޑައިވް ނުކުރަން އެ ކުންފުނިން ވަނީ އެދިފަ އެވެ. 

އެޗްޑީސީ އިން އެންމެފަހުން ބުނެފައިވާ ގޮތުގައި ރަސްމާލެ ހިއްކުން ނުހުއްޓި ކުރިއަށްދާއިރު، ހުޅުމާލެ ފުރަތަމަ ފިޔަވައްސާ އެއްވަރުގެ ސަރަހައްދެއް ފުށިދިއްގަރު ފަޅުން ހިއްކައިފިވާ ކަމަށެވެ. 

ރާއްޖޭގައި މިހާތަނަށް ހިންގާ ބޯހިޔާވަހިކަމުގެ އެންމެ ބޮޑު މަޝްރޫއު ކަމަށްވާ ރަސްމާލެ ތަރައްގީ ކުރުމުގެ މަސައްކަތުގެ ދަށުން މިހާތަނަށް 129.60 ހެކްޓަރުގެ ބިން ހިއްކާ ވަނީ ނިންމާލާފަ އެވެ. މިއީ މުޅި މަޝްރޫއަށް ބަލާއިރު ގާތްގަނޑަކަށް 13 ޕަސެންޓުގެ ސަރަހައްދެކެވެ.

ފުށިދިއްގަރު ފަޅުގައި ތަރައްގީ ކުރާ ރަސްމާލެ މަޝްރޫއަކީ 1153 ހެކްޓަރުގެ މަޝްރޫއެކެވެ. މި މަޝްރޫއުގެ ދަށުން 1009 ހެކްޓަރުގެ ބިން ހިއްކާނެ އެވެ. މި މަޝްރޫއު ކުރިއަށް ގެންދަނީ 11 ސަރަޙައްދަކަށް ބަހާލައިގެން ދެ ކުންފުންޏަކުންނެވެ. މި ރަށް ހިއްކަމުން ގެންދަނީ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީއާއި މޯހަން މުތާ އެކްސްޕޯޓްސް އިންނެވެ. ނަމަވެސް ބިން ހިއްކުމުގެ މަސައްކަތް އަވަސްކުރުމުގެ ގޮތުން މިމަހުގެ ތެރޭ ވަނީ ޗައިނާގެ ހާބާ އިންޖިނިއަރިން ކުންފުންޏާ ވަނީ މަސައްކަތް ހަވާލުކޮށްފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.