ކަށިމިޔަރުގެ މަސްވެރިކަމަށް ނޮވެމްބަރުގައި އަލުން ހުޅުވާލަނީ

ކަނޑައަޅާފައިވާ މެނޭޖްމަންޓް ޕްލޭނެއްގެ ދަށުން މި ނޮވެމްބަރު މަހު، ކަށިމިޔަރުގެ މަސްވެރިކަމަށް އަލުން ހުޅުވާލައްވާނޭކަމަށް ރައީސް ޑރ. މުހައްމަދު މުއިއްޒު އިއުލާނުކުރައްވައިފި އެވެ.

ހދ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން، ކުޅުދުއްފުށި ސިޓީއަށް ރޭ ވަޑައިގެން އެ ސިޓީގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ ކުޅުދުއްފުށީގައި މީގެ ކުރިން ކަށިމިޔަރުގެ މަސްވެރިކަމުން ބޮޑު އާމްދަނީއެއް ހޯދަމުންދިޔަ ކަމަށެވެ.

އެ މަނިކުފާނު ވިދާޅުވީ، ކަށިމިޔަރުގެ މަސްވެރިކަމަށް އަލުން ހުޅުވައިލުމަށް އެކަމާ ގުޅުންހުރި ގަވާއިދުތައް މުރާޖާ ކުރުމުގެ މަސައްކަތް ކަމާބެހޭ ފަރާތްތަކުން ކޮށްފައިވާ ކަމަށާއި، އަދި މެނޭޖްމަންޓް ޕްލޭންގެ ދަށުން ކަށިމިޔަރު މަސްވެރިކަން އަލުން ހުޅުވާލަން ނިންމާފައިވާ ކަމަށެވެ. 

އެހެންކަމުން، ކަށިމިޔަރު މަސްވެރިކަމަށް މަސްވެރީން ތައްޔާރުވުމަށް އެ މަނިކުފާނު ގޮވާލެއްވި އެވެ.

މިޔަރުގެ އާބާދީ ދަށްވާން ފެށުމުން، މިޔަރު ބޭނުން ރާއްޖޭން މަނާކުރީ 2010 ވަނަ އަހަރުގެ ތެރޭގަ އެވެ. 

ފާއިތުވި އަހަރުތަކުގައި އެ ބޭންގެ ސަބަބުން، މިޔަރު ގިނަވެ، މަސްވެރިކަމަށް އަސަރުކުރަމުންދާ ކަމުގެ ޝަކުވާތައް ވަނީ ގިނަވެފަ އެވެ. އެއާ އެކު، އެ ނިންމުން ބަދަލުކުރުމުގެ މަޝްވަރާތަކެއް ކުރެވުނަސް، ޓޫރިޒަމާއި ބައިނަލްއަގުވާމީ ބައެއް ޖަމިއްޔާތަކުގެ ކަންބޮޑުވުންތަކާ އެކު އެކަން މިހާތަނަށް އޮތީ މަޑުޖައްސަލައިފަ އެވެ.

ކަށިމިޔަރު މަސްވެރިކަން - ރާއްޖޭގެ އަތޮޅުތަކުގެ ހުޅަނގު އަދި އިރުމަތީ ފަރާތުގައި ފުންހިސާބުތަކުން ކުރާ މަސްވެރިކަމެކެވެ. މިމަސްވެރިކަމުގައި ކަށިމިޔަރުގެ ތިންބާވަތެއް އެވެބޭނެ (އާދަމް މެރެޓ،ް އަދި އެންޑަސަން 1998). އަދި ދަތްދިގު މިޔަރާއި ހިކަނދި ވެސްޔަރުތުންމި މިމަސްވެރިކަމުގައި ބޭނޭކަމަށް ވެއެވެ ކަށިމިޔަރުމަސްވެރިކަން ކުރަނީ 250-800 މީޓަރާއި ދެމެދުގެ ފުނުން އޮލަނބަށް އަޅާ ލޭނު އަޅައިގެންނެވެ. މި މަސްވެރިކަމުގައި ބޭނޭ މިޔަރުން ކުރެވޭ ހަމައެކަނި ބޭނުމަކީ އަގުބޮޑު ތެޔޮކަށިމިޔަރު އުފައްދާ ޖަޕާނަށް އެކްސްޕޯޓް ކުރުމެވެ. މި މަސްވެރިކަމަށް މިއަދު ދިމާވެފައި އޮތް އެންމެ ބޮޑު އެއްމައްސަލައަކީ ރާއްޖެއިން ކަށިމިޔަރު ހުސްވުމާ ތަށްގާދިދާ ކަށިމިޔަރުގެ ސްޓޮކު ދަށަށް ގޮސްފައިވާކަމެވެ. މެރިން ރިސާޗް ސެންޓަރަށް ޢުމަލޫމާތު ލިބިފައިވާ ގޮތުގައި މިމަސްވެރިކަން މިހާރު ކުރަމުންދަނީ ހަމައެކަނި ށ އަތޮޅު އަދި ތ އަތޮޅުގައެވެ. އެ މަސްވެރިކަން މިއަދާ ހަމައަށް އޮތީ ހުއްޓިފަ އެވެ. މި މަސްވެރިކަން އެންމެ ގިނައިން ކުރިދުވަސްވަރު 1983 ގައި 237 ކަށިގެމެޓްރިކް ޓަނު ބޭނިމިޔަރު އޭގެ ތެޔޮއެކްސްޕޯޓްކޮށްގެން 1.8 މިލިޔަން ރުފިޔާ ލިބިފައިވެ އެވެ.