ބޭންކިން ނިޒާމަށް ޑޮލަރު މާރުކުރަން ފެށުމުން ބޭނުންކުރެވޭ ރިޒާވް ތިޔާގިވެއްޖެ

ބޭންކިން ނިޒާމަށް ޓޫރިޒަމުން ފައިސާ މާރުކުރުމުގެ ނަތީޖާ ފެނޭ ހެއްޔެވެ؟ ގިނަ ބަޔަކު މި ސުވާލު އުފައްދަ އެވެ. 

މަރުކަޒީ ބޭންކުން ލިބެން ހުރި ތަފާސް ހިސާބުތަކަށް ބަލާއިރު ރާއްޖޭގެ ރިޒާވްއަށް މިހާރު އައިސްފައިވާ ބަދަލުން ފެންނަނީ މި ބަދަލުގެ ސަބަބުން ރިޒާވް އަށް ހެޔޮ ބަދަލު އަންނަތަން ފެންނަ ކަމަށެވެ. މިދިޔަ ޖުލައިގެ ނިޔަލަށް ބަލާއިރު ޖުމްލަ ރިޒާވް އިތުރުވެ ބޭނުންކުރެވޭ ރިޒާވް ވެސް ވަނީ މަތިވެފަ އެވެ. 

މަރުކަޒީ ބޭންކް (އެމްއެމްއޭ) ގެ ޖުލައި މަހުގެ ތަފާސް ހިސާބުތައް ދައްކާ ގޮތުން މި އަހަރު ފެށުނުއިރު ރާއްޖޭގެ ޖުމްލަ ރިޒާވްގައި ހުރީ  701.36 މިލިއަން ޑޮލަރެވެ. ނަމަވެސް މިހާރު މި އަދަދު ވަނީ 767.37 މިލިއަން ޑޮލަރަށް އިތުރުވެފަ އެވެ. ޖުމްލަ ރިޒާވް މި އިތުރުވުމަކީ 2015 އިން ބެލިނަމަވެސް ބޮޑު އިތުރުވުމެކެވެ. އަދި މިއީ 2018 އަށްފަހު ރިޒާވް މިވަރަށް އިތުރުވި ފުރަތަމަ ފަހަރެވެ. 

މި ބަދަލު އައި ސަބަބުތައް - މި ބަދަލު އައި މައިގަނޑު ސަބަބަކީ ބޭރު ފައިސާގެ ގާނޫނެއް ފާސްކޮށް ޒަމާނުއްސުރެން ފެށިގެން ނުކޮށް އޮތް ނަމަވެސް ކުރަން ޖެހިފައިވާ ރާއްޖެއަށް ލިބޭ ބޭރު ފައިސާއިން ބައެއް ބޭންކިން ނިޒާމަށް މާރުކުރަން ފެށުމެވެ. ޓޫރިޒަމް ސިނާއަތުގެ އެއްބާރުލުމާއެކު އެމްއެމްއޭއިން ތަންފީޒު ކުރަމުން ގެންދާ މި ގާނޫނުގެ ސަބަބުން ރާއްޖޭގެ ރިޒާވް މެނޭޖު ކުރުމުގެ ބާރުވެރިކަން ދަނީ ލިބެމުންނެވެ. މީގެ އިތުރުން ރިޒާވްއަށް އިތުރު ހިތްވަރެއް ލިބިގެން ގޮސްފައިވަނީ އިންޑިއާއިން ދީފައިވާ 400 މިލިއަން ޑޮލަރުގެ ކަރަންސީ ސޮވޮލްފެ ބޭނުންވެސް ކުރަމުން ދިއުމެވެ. 

މި ބަދަލާއެކު ރާއްޖޭގެ ޔޫޒަބަލް ރިޒާވް ނުވަތަ ބޭނުންކުރެވޭ ރިޒާވް ވެސް ހުރީ މަތީވެފަ އެވެ. ކުރު މުއްދަތުގެ ދަރަންޏާއި އިމްޕޯޓަށްވާ ފައިސާ އުނި ކުރުމުން އަރަނިވާ މި އަދަދުގެ ގޮތުގައި މި މިދިޔަ މަހުގެ ނިޔަލަށް 213 މިލިއަން ޑޮލަރު ހުރިކަމަށް ދައްކަ އެވެ. މިއީ ތިން މަހުގެ އިމްޕޯޓުގެ ފައިސާ އެވެ. އާއްމުކޮށް ރާއްޖޭގައި ހުންނަނީ ވެސް ތިން މަހުގެ އިމްޕޯޓަށްވާ ފައިސާ އެވެ. މި އަހަރުގެ ޖެނުއަރީ މަހު ރާއްޖޭގެ ޔޫޒަބަލް ރިޒާވްގައި ހުރީ 116 މިލިއަން ޑޮލަރެވެ. އެހެންވެ މިހާރު އިތުރުވެފައިވާ 213 މިލިއަން ޑޮލަރަކީ ރިޒާވް ހެޔޮފާލެއްގެ ގޮތުގައި ބެލިދާނެ އެވެ.