ވޯޓާ ޕާކުން މަރުވެފައި އޮއްވައި ފެނުނީ ބިދޭސީއެއް ކަމަށް ބެލެވޭ، ހަށިގަނޑު އޮތީ ކުނިވެފަ
މަރުވެފައި އޮއްވައި ފެނުނު ފިރިހެން މީހާއަކީ ކާކުކަން އަދި ދެނެގަނެވިފައިނުވިޔަސް، އެއީ މިދިޔަ ބުރާސްފަތި ދުވަހުން ފެށިގެން ހޯދަމުންދާ ބިދޭސީ މީހާކަމަށް ބެލެވިދާނެ ބައެއް ކަންކަން ތަހުގީގުން ހާމަވެފައިވާ ކަމަށް ފުލުހުން ބުނި.
ހުޅުމާލެ ފޭސް 1 ގައި ވޯޓާ ތީމް ޕާކު ހުންނަ ސަރަހައްދުން މަރުވެފައި އޮއްވައި އިއްޔެ ފެނުނު މީހާއަކީ ބިދޭސީއެއް ކަމަށް ބެލެވޭ ކަމަށް ފުލުހުން ބުނެފި އެވެ.
ފުލުހުން ބުނީ، ވޯޓާ ޕާކު ތަރައްގީ ކުރަން ދޫކޮށްފައިވާ ސަރަހައްދުން މަރުވެފައި އޮއްވައި ފެނުނު ފިރިހެން މީހާއަކީ ކާކުކަން އަދި ދެނެގަނެވިފައިނުވިޔަސް، އެއީ މިދިޔަ ބުރާސްފަތި ދުވަހުން ފެށިގެން ހޯދަމުންދާ ބިދޭސީ މީހާކަމަށް ބެލެވިދާނެ ބައެއް ކަންކަން ތަހުގީގުން ހާމަވެފައިވާ ކަމަށެވެ.
އެހެންކަމުން އޭނާގެ އައިޑެންޓިޓީ ދެނެގަތުމުގެ މަސައްކަތް ކުރަމުންދާ ކަމަށް ފުލުހުން ބުންޏެވެ.
"މީހާގެ ހަށިގަނޑު އޮތީ ޑީކޮމްޕޯޒް ވެފަ،" ފުލުހުން ބުންޏެވެ.
ނަމަވެސް، އެ މީހާ މަރުވި ގޮތުގެ އިތުރު ތަފްސީލެއް ފުލުހުން އަދި ހާމަކޮށްފައެއް ނުވެ އެވެ.
ކޮމެންޓް
Republic of Maldives