ހދ. ގެ 7600 އަށްވުރެ ބޮޑު އާބާދީއަކަށް އޭޓީއެމް
ހދ. އަތޮޅުގެ އިތުރު ހަތަރު ރަށެއްގައި އޭޓީއެމްގެ ހިދުމަތް ގާއިމްކޮށްފައިވނީ ހަނިމާދޫ، ނައިވާދޫ، ނެއްލައިދޫ އަދި ނޮޅިވަރަމުގަ އެވެ.
މީހުން ދިރިއުޅޭ ހުރިހާ ރަށެއްގައި އޭޓީއެމް ބަހައްޓަން ކުރަމުން ގެންދާ މަސައްކަތުން ހދ. އަތޮޅުގެ އިތުރު ހަތަރު ރަށެއްގައި 7،600 އަށްވުރެ ބޮޑު އާބާދީއަކަށް އޭޓީއެމްގެ ހިދުމަތް ދީފި އެވެ.
ބޭންކް އޮފް މޯލްޑިވްސްގެ "މުޅި ރާއްޖެއަށް ބީއެމްއެލް އޭޓީއެމް" މަޝްރޫޢުގެ ދަށުން ހދ. އަތޮޅުގެ އިތުރު ހަތަރު ރަށެއްގައި އޭޓީއެމްގެ ހިދުމަތް ގާއިމްކޮށްފައިވނީ ހަނިމާދޫ، ނައިވާދޫ، ނެއްލައިދޫ އަދި ނޮޅިވަރަމުގައި ޚިދުމަތް ގާއިމުކޮށްފައި ވެއެވެ. މި ރަށްރަށުގެ ޖުމްލަ އާބާދީ 7،600 އަށްވުރެ އިތުރެވެ
އޭޓީއެމް ބެހެއްޓި ރަށްރަށާއި އާބާދީ
- ހަނިމާދޫ - 2432
- ނައިވާދޫ - 907
- ނެއްލައިދޫ - 1428
- ނޮޅިވަރަމް - 2875
ޚިދުމަތް ތައާރަފްކުރުމަށް މިއަދު ބޭއްވި ރަސްމިއްޔާތުތަކުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ވަޒީރުންނާއި ބީއެމްއެލްގެ ޗެއާޕަރސަން އަޙްމަދު ޢަލީ ޙަބީބާއި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފާއި ބީއެމްއެލްގެ އިސްބޭފުޅުން ބައިވެރިވެ ވަޑައިގެންނެވި އެވެ.
އޭޓީއެމް ބެހެއްޓުމުގެ މަސައްކަތްތާ ބެހޭ ގޮތުން ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރު މުހައްމަދު ޝަރީފް ވިދާޅުވީ، ރައްޔިތުން ބޭންކިންގ ނިޒާމުގެ ތެރެއަށް ވެއްދުމުގައި އޭޓީއެމްތަކުން މުހިންމު ދައުރެއް އަދާކުރާ ކަމަށާ ކަސްޓަމަރުން ދިރިއުޅޭ ކޮންމެ ތަނެއްގައިވެސް ފަސޭހައިން ހިދުމަތް ލިބޭނެ ވަސީލަތްތައް ގާއިމުކުރަމުން ދިޔުމަކީ ހަމައެކަނި ބޭންކަށް ލިބޭ ފަޚުރެއް ނޫން ކަމާށާ މިއީ މި މުޖުތަމަޢުތަކަށްވެސް ލިބޭ އުފަލެއްކަން ސީއީއޯ ފާހަގަ ކުރެއްވި އެވެ.
ކޮމެންޓް
Republic of Maldives