އިއްޔެ ނިޔަލަށް ރާއްޖެއަށް 1,453,302 ޓޫރިސްޓުން އައިސްފައިވެ އެވެ. މި އަދަދަކީ މިދިޔަ އަހަރުގެ މި މުއްދަތުގައި އައި 1,330,326 ޓޫރިސްޓުންނާ އަޅާބަލާއިރު 9.2 ޕަސެންޓުގެ އިތުރުވުމެކެވެ.
ރާއްޖެ އަށް މިހާތަނަށް ޓޫރިސްޓުން އަންނަ ފަސް ގައުމަކުން ރާއްޖެ އައި ޓޫރިސްޓުންގެ އަދަދު އެއް ލައްކަައަކަށްވުރެ އިތުރުވެފައިވާ ކަމަށް ދައްކައިފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން މި އަހަރުގެ މިހާތަނަށް ބަލާއިރު އެންމެ ގިނައިން ޓޫރިސްޓުން އައިސްފައިވަނީ ޗައިނާއިންނެވެ. އަދި ޗައިނާގެ އިތުރުން އެންމެ ގިނައިން ޓޫރިސްޓުން އަންނަ ފަސް ގައުމުން އައި ޓޫރިސްޓުންގެ އަދަދު ވަނީ އެއް ލައްކަށްވުރެ މައްޗަށް ޖެހިލާފަ އެވެ. މި އަހަރުގެ މިހާތަނަށް ޗައިނާއިން 228,172 ޓޫރިސްޓުން އައިސްފައިވާއިރު، ދެވަނައަށް އެންމެ ގިނައިން ޓޫރިސްޓުން އައި ރަޝިއާއިން 172,956 ޓޫރިސްޓުން އަދި ޔޫކޭއިން 132,230 ޓޫރިސްޓުން އަދި އިޓަލީން 104,477 ޓޫރިސްޓުން އައިސްފައިވާއިރު ޖަރުމަނުންވެސް އެއްލައްކަ ޓޫރިސްޓުން ވަނީ އައިސްފަ އެވެ.
ތަފާސް ހިސާބުތައް ދައްކާ ގޮތުން އިއްޔެ ނިޔަލަށް ރާއްޖެއަށް 1,453,302 ޓޫރިސްޓުން އައިސްފައިވެ އެވެ. މި އަދަދަކީ މިދިޔަ އަހަރުގެ މި މުއްދަތުގައި އައި 1,330,326 ޓޫރިސްޓުންނާ އަޅާބަލާއިރު 9.2 ޕަސެންޓުގެ އިތުރުވުމެކެވެ. އަދި މި މަހަށް ބަލާއިރު ޓޫރިޒަމަށް 7.6 ޕަސެންޓުގެ ކުރިއެރުމެއް އައިސްފައިވާ ކަމަށް ދައްކަ އެވެ. މި އަހަރުގެ މިހާތަނަށް 158,434 ޓޫރިސްޓުން އައިސްފައިވާއިރު މިދިޔަ އަހަރު އައިސްފައިވަނީ 147,269 ޓޫރިސްޓުންނެވެ.
މި އަހަރު ރާއްޖެއަށް 2.3 މިލިއަން ޓޫރިސްޓުން ހަމަވާނެ ކަމަށް ސަރުކާރުން ވަނީ އަންދާޒާކޮށްފަ އެވެ. މިދިޔަ އަހަރު ރާއްޖެެއަށް ދެ މިލިއަން ޓޫރިސްޓުން އައިސް ޓޫރިޒަމް އާމްދަނީވެސް އިތުރުވެފައިވެ އެވެ.