މަގާމުގެ ނުފޫޒު ބޭނުންކޮށްގެން އެޗްޑީސީގެ ބިންތަކެއް ދޫކުރި މުވައްޒަފަކު ސަސްޕެންޑުކޮށްފި
އެނގިފައިވާ ގޮތުގައި، ހުޅުމާލެ އަދި ތިލަފުށިން ބިންތަކެއް ދޫކުރި މައްސަލައިގައި ސަސްޕެންޑުކޮށްފައިވަނީ އެސިސްޓެންޓް މެނޭޖަރެއްގެ ވަޒީފާގައި ހުރި އެޗްޑީސީގެ އަންހެން މުވައްޒަފެކެވެ.
މަގާމުގެ ނުފޫޒު ބޭނުންކޮށްގެން އެޗްޑީސީގެ ބިންތަކެއް ދޫކުރިކަމުގެ ތުހުމަތުގައި އެ ކުންފުނީގެ އިސް މުވައްޒަފަކު ސަސްޕެންޑުކޮށްފި އެވެ.
އެނގިފައިވާ ގޮތުގައި، ހުޅުމާލެ އަދި ތިލަފުށިން ބިންތަކެއް ދޫކުރި މައްސަލައިގައި ސަސްޕެންޑުކޮށްފައިވަނީ އެސިސްޓެންޓް މެނޭޖަރެއްގެ ވަޒީފާގައި ހުރި އެޗްޑީސީގެ އަންހެން މުވައްޒަފެކެވެ.
އަދި އޭނާއާ ގުޅޭ މައްސަލަތަކެއް އޭސީސީން ވެސް ބަލަމުންދާކަން އެނގިފައި ވެ އެވެ.
ނަމަވެސް، މި ކަމާ ގުޅޭ މައުލޫމާތެއް އެޗްޑީސީން އަދި ރަސްމީކޮށް ހާމަކޮށްފައެއް ނުވެ އެވެ.
ކުރީގެ ސަރުކާރުން ހިންގި ބިންވެރިޔާ އަދި ގެދޮރުވެރިޔާ ސްކީމްގެ ދަށުން ހުޅުމާލޭން ބިންތަކެއް ނުހައްގުން ދިން މައްސަލައެއްގައި އެޗްޑީސީގެ މުވައްޒަފުންތަކެއް މިދިޔަ އަހަރުގެ ފަހުކޮޅު ސަސްޕެންޑުކުރި އެވެ.
އޭގެ ތެރެއިން ބައެއް މުވައްޒަފުން ވަކިކޮށް، ބާކީ ތިބި މުވައްޒަފުންގެ ސަސްޕެންޝަން ވަނީ ފަހުން އުވާލައިފަ އެވެ.
ކޮމެންޓް
Republic of Maldives