ގޭންގު ކުށް ހުއްޓުވައި، ހަރުކަށި އަދަބު ދޭ ގާނޫނަށް އަމަލުކުރަން ފަށައިފި

ތަސްދީގުކުރާތާ ތިން މަސް ފަހުން އެ ގާނޫނަށް އަމަލުކުރަން ފަށަންޖެހޭ ކަމަށް ބަޔާންކޮށްފައިވާއިރު، އެ މުއްދަތު މިއަދަށް ހަމަވެ، އެ ގާނޫނު ވަނީ މިހާރު ހިނގަން ފަށައިފަ އެވެ.

ފުލުހުންގެ އޮޕަރޭޝަނެއް ކުރިއަށް ގެންދަނީ: -- ވަން އޮންލައިންގެ ފޮޓޯއެއް

ގޭންގު ކުށްތައް ހުއްޓުވައި، އެފަދަ ކުށަށް އަރައިގަންނަ މީހުންނަށް ހަރުކަށި އަދަބު ދެވޭ ގޮތަށް ތަސްދީގުކޮށްފައިވާ އާ ގާނޫނަށް މިއަދުން ފެށިގެން އަމަލުކުރަން ފަށައިފި އެވެ. 

މިދިޔަ މެއި މަހުގެ 15 ވަނަ ދުވަހު ރައްޔިތުންގެ މަޖިލީހުން ފާސްކޮށްފައިވާ މި ބިލު ރައީސް ޑރ. މުހައްމަދު މުއިއްޒު ތަސްދީގު ކުރެއްވީ އެ މަހުގެ 25 ވަނަ ދުވަހު އެވެ.

ތަސްދީގުކުރާތާ ތިން މަސް ފަހުން އެ ގާނޫނަށް އަމަލުކުރަން ފަށަންޖެހޭ ކަމަށް ބަޔާންކޮށްފައިވާއިރު، އެ މުއްދަތު މިއަދަށް ހަމަވެ، އެ ގާނޫނު ވަނީ މިހާރު ހިނގަން ފަށައިފަ އެވެ.

އާ ގާނޫނުގެ ދަށުން، ގޭންގެއް އުފައްދައި ނުވަތަ ގޭންގެއް ހިންގުމަކީ ކުށެވެ. އެ ކުށް ކުރާ މީހުންގެ އަދަބަކީ 25 އަހަރަށް ޖަލަށްލުމާއެކު ދެ ލައްކަ ރުފިޔާއާއި ދެ މިލިއަން ރުފިޔާއާ ދެމެދުގެ އަދަދަކަށް ޖޫރިމަނާ ކުރުމެވެ. ގޭންގެއް އުފައްދާ އަދި ހިންގާ މީހަކަށް އެހީތެރިވާ މީހުންގެ އަދަބަކީ 18 އަހަރަށް ޖަލަށްލުމާއެކު އެއް ލައްކަ ރުފިޔާ އާއި ފަސް މިލިއަން ރުފިޔާއާ ދެމެދުގެ އަދަދަކަށް ޖޫރިމަނާ ކުރުމެވެ.

އޭގެ އިތުރުން ކުޑަކުދިން ގޭންގުތަކަށް ވައްދާ މީހުން 25 އަހަރަށް ޖަލަށްލައި، ދެ ލައްކަ ރުފިޔާ އާއި 10 މިލިއަން ރުފިޔާއާ ދެކެދުގެ އަދަދަކުން ޖޫރިމަނާ ކުރެވޭނެ އެވެ. އަދި 18 އަހަރުން މަތީގެ މީހުން ގޭންގަކަށް ރެކްރޫޓް ކުރާނަމަ އެ ކުށުގެ އަދަބެއްގެ ގޮތުގައި ކަނޑައަޅާފައި ވަނީ 20 އަހަރަށް ޖަލަށްލުމާއެކު އެއްލައްކަ ރުފިޔާ އާއި ހަތް މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރުމުވެ.

އެއްވެސް މީހަކު އިންތިޒާމުވެފައިވާ ކުށްކުރާ ގުރޫޕެއްގައި ބައިވެރިވުމަކީ ކުށެކެވެ. އެފަދަ ގުރޫޕެއްގެ މެންބަރެއްކަން ދައްކާ މީހާ ވެސް ކުށްވެރިވާނެ އެވެ. މެންބަރެއްކަން ދައްކާ މީހުންގެ އަދަބަކީ 12 އަހަރަށް ޖަލަށްލުމާއެކު 75،000 ރުފިޔާ އާއި އެއް މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރުމެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.