ހަނިމާދޫގައި 30 އެނދުގެ ހޮސްޕިޓަލް އެޅުމުގެ މަސައްކަތް ފަށައިފި
ރޭ ހަނިމާދޫ ރައްޔިތުންނާ ބައްދަލުކުރައްވައި ވާހަކަ ދައްކަވަމުން ރައީސް ވަނީ މި އަހަރު ނިމުމުގެ ކުރިން މިހާރު ހުރި ސިއްހީ މަރުކަޒުގައި ޑަޔަލިސިސްގެ ހިދުމަތް ވެސް ފައްޓަވައި ދެއްވާނެ ކަމަށް ވިދާޅުވެފަ އެވެ.
ހަނިމާދޫ ހޮސްޕިޓަލްގެ އަމަލީ މަސައްކަތް ރަސްމީކޮށް ފަށާފައި ވަނީ ރައީސް ޑރ. މުހައްމަދު މުއިއްޒު ހދ. އަތޮޅަށް ކުރައްވާ ދަތުރުފުޅުގެ ތެރެއިން މިއަދު ހެނދު އެވެ.
އެ ހޮސްޕިޓަލްގެ ބިންގާ އަޅުއްވައިދެއްވީ ހެލްތު މިނިސްޓަރު އަބްދުﷲ ނާޒިމާއި، އެ މަޝްރޫއު ހަވާލުކޮށްފައިވާ އާރްޑީސީގެ މެނޭޖިން ޑިރެކްޓަރު އިބްރާހިމް ނަޒީމެވެ. މި ރަސްމިއްޔާތުގައި ރައީސް ވެސް ވަނީ ބައިވެރިވެވަޑައިގެންފަ އެވެ.
އާރްޑީސީއާ ހަވާލުކޮށްފައިވާ މި މަޝްރޫއުގެ އަގަކީ 104.8 މިލިއަން ރުފިޔާ އެވެ.
ރޭ ހަނިމާދޫ ރައްޔިތުންނާ ބައްދަލުކުރައްވައި ވާހަކަ ދައްކަވަމުން ރައީސް ވަނީ މި އަހަރު ނިމުމުގެ ކުރިން މިހާރު ހުރި ސިއްހީ މަރުކަޒުގައި ޑަޔަލިސިސްގެ ހިދުމަތް ވެސް ފައްޓަވައި ދެއްވާނެ ކަމަށް ވިދާޅުވެފަ އެވެ.
އޭގެ އިތުރުން، ކުޑަކުދިންގެ ބަލިތަކަށް ހާއްސަ ޑޮކްޓަރަކާއި އަންހެނުންގެ ބަލިތަކަށް ހާއްސަ ޑޮކްޓަރެއްގެ ހިދުމަތް ވެސް ލިބޭނެ އިންތިޒާމްތައް ސިއްހީ މަރުކަޒުގައި ހަމަޖައްސަވައިދެއްވާނެ ކަމަށް ރައީސް ވަނީ ވިދާޅުވެފަ އެވެ.
ހަނިމާދޫގައި އަޅާ 30 އެނދުގެ އެ ހޮސްޕިޓަލް ނިމޭއިރު، ރަށުގެ ސިއްހީ ދާއިރާގެ ހިދުމަތް އިތުރަށް ވަރުގަދަ ވާނެ ކަމަށް ވެސް ރައީސް ވިދާޅުވި އެވެ.
ކޮމެންޓް
Republic of Maldives