ޖޫން މަހު ހިލޭ އެހީގެ ނަމްބަރު މަތި | މުޅި އަހަރަށް ބަލާއިރު ދަށް

ޖޫން މަހު ޖުމްލަ އާމްދަނީ ވަނީ މިދިޔަ އަހަރުގެ ޖޫން މަހާ ބަލާއިރު 22 ޕަސެންޓުގެ އިތުރުވުމެއް ލިބިފަ އެވެ.

ސަރުކާރުގެ ބައެއް ވަޒީރުން : ހިލޭ އެހީ މި އަހަރު އަންދާޒާ ކުރި ވަރަށް ލިބޭނެ ކަމަށް ނުބެލެވޭ -- ފޮރިން މިނިސްޓްރީ

މިދިޔަ ޖޫން މަހު ދައުލަތަށް ހިލޭ އެހީގެ ގޮތުގައި ލިބުނު ނަމްބަރު މަތިވިޔަސް، މުޅި އަހަރަށް ބަލާއިރު ދަށް ކަމަށް ދައްކައިފި އެވެ. 

ފިނޭންސް މިނިސްޓްރީން އާއްމުކުރާ ދައުލަތުގެ އާމްދަނީ އާއި ހަރަދުގެ ޖޫން މަހުގެ ރިޕޯޓް ދައްކާ ގޮތުން މި އަހަރުގެ ޖޫން މަހު ހިލޭ އެހީގެ ގޮތުގައި ދައުލަތަށް 42.5 މިލިއަން ރުފިޔާ ވަނީ ލިބިފަ އެވެ. ނަމަވެސް މިދިޔަ އަހަރު ހިލޭ އެހީގެ ގޮތުގައި ލިބުނީ 16.9 މިލިއަން ރުފިޔާ އެވެ. 

މުޅި އަހަރަށް ބަލާއިރު ހިލޭ އެހީގެ ގޮތުގައި ލިބިފައިވަނީ 170.5 މިލިއަން ރުފިޔާ އެވެ. ނަމަވެސް މިދިޔަ އަހަރު ހިލޭ އެހީގެ ގޮތުގައި ލިބުނީ  319.5 މިލިއަން ރުފިޔާ އެވެ. 

މި އަހަރު ހިލޭ އެހީގެ ގޮތުގައި 2.5 ބިލިއަން ރުފިޔާ ލިބޭނެ ކަމަށް މި އަހަރަށް ފާސްކުރި ބަޖެޓުގައި އަންދާޒާކޮށްފައިވެ އެވެ. 

މި އަދަަދަށް ހިލޭ އެހީ ލިބޭނެ ކަމަށް ބަޖެޓުގައި ނަމްބަރެއް ޖެހިނަމަވެސް މި ވަރަށް ނުލިބޭނެ ކަމަށް ބެލެވެ އެވެ. އަދި މި އަހަރު ބަޖެޓަށް މަރުކަޒީ ބޭންކް އެމްއެމްއޭއިން ދިން ލަފާގައިވެސް ކޮންމެ އަހަރަކު ވެސް ދައުލަތުގެ ބަޖެޓުގައި ހިލޭ އެހީގެ ގޮތުގައި ލިބޭނެކަމަށް އަންދާޒާކޮށް ބޮޑެތި އަދަދުތަކެއް ހިމެނި ނަމަވެސް އަހަރު ނިމޭއިރު އެ އަދަދަށް ފައިސާ ނުލިބެ އެވެ.
އެގޮތުން 2021 ވަނަ އަހަރުން ފެށިގެން 2023 ވަނަ އަހަރުގެ ނިޔަލަށް ކޮންމެ އަހަރަކުވެސް ބޮޑެތި އަދަދުތައް ހިލޭ އެހީގެ ގޮތުގައި ލިބޭނެކަމަށް ބަޖެޓުގައި ލަފާކުރި ނަމަވެސް، ކޮންމެ އަހަރަކު އެވެރެޖުކޮށް ހިލޭ އެހީގެ ގޮތުގައި ލިބިފައިވަނީ އަންދާޒާކުރާ މިންވަރުގެ އެންމެ 34 އިންސައްތަކަން މަރުކަޒީ ބޭންކުން ފާހަގަކުރި އެވެ. 

އަދި މި އަހަރަށް ލަފާކޮށް ހުށަހަޅާފައިވާ ދައުލަތުގެ ބަޖެޓުގައި ހިލޭ އެހީގެ ގޮތުގައި 1.5 ބިލިއަންް ރުފިޔާ ލިބޭނެކަމަށް ލަފާކުރި ނަމަވެސް އޮކްޓޯބަރު މަހުގެ ނިޔަލަށް ހިލޭ އެހީގެ ގޮތުގައި ލިބުނީ 561.3 މިލިއަން ރުފިޔާކަން ފާހަގަކޮށްފައިވެ އެވެ. އެއީ ލިބޭނެކަމަށް ބަޖެޓުގައި ލަފާކުރި ހިލޭ އެހީގެ އެންމެ %37 އެވެ.

ހިލޭ އެހީ ދަށްވިނަމަވެސް މި އަހަރުގެ ޖޫން މަހު ޖުމްލަ އާމްދަނީ ވަނީ 22 ޕަސެންޓް އިތުރުވެފަ އެވެ. ޖޫންމަހު އާމްދަނީ އާއި ހިލޭ އެހީއެއްކޮށް 2.9 ބިލިއަން ރުފިޔާގެ އާމްދަނީއެއް ލިބިފައިވެ އެވެ. މިދިޔަ އަހަރުގެ ޖޫން މަހު ލިބުނީ 2.4 ބިލިއަން ރުފިޔާ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.