މި ތަންތަނުގައި އެކުއަކަލްޗާ ތަރައްގީ ކުރަން ޝައުގުވެރިވާ ފަރާތްތަކުން މައުލޫމާތު ދިނުން އޮންނާނީ އަންނަ މަހުގެ 22 ވަނަ ދުވަހުގެ ހެނދުނު 10:00 ގައި ޒޫމްމެދުވެރިކޮށެވެ. އަދި ބިޑް ހުށަހަޅަން ޖެހެނީ ނޮވެމްބަރު ހަ ވަނަ ދުވަހު އެވެ.
މަސްވެރިކަމުގެ އާ ބާވަތް ތަކެއް ގެންނަން ކުރާ މަސައްކަތުގެ ދަށުން، ރައްޖޭގައި މެރިކަލްޗާ ކުރިއަރުވަން ފަޅުރަށް ހިމެނޭހެން ހަތް ފަޅެއް ބިޑަށް ހުޅުވާލައިފި އެވެ.
މަސްވެރިކަމާއި ކަނޑުގެ ދިރުންތަކާ ބެހޭ މިނިސްޓްރީން އެކުއަކަލްޗާ ކުރިއަރުވަން އިއުލާނުކޮށްފައިވަނީ ހއ، އާއި ރ. އަދި މ. އަތޮޅުގެ އިތުރުން ތ. އަތޮޅުގެ ރަށާއި ފަޅު ހިމެނެ އެވެ.
ފިޝަރީޒް މިނިސްޓްރީން ބުނީ މި ތަންތަނުގައި އެކުއަކަލްޗާ ތަރައްގީ ކުރަން ޝައުގުވެރިވާ ފަރާތްތަކުން މައުލޫމާތު ދިނުން އޮންނާނީ އަންނަ މަހުގެ 22 ވަނަ ދުވަހުގެ ހެނދުނު 10:00 ގައި ޒޫމްމެދުވެރިކޮށެވެ. އަދި ބިޑް ހުށަހަޅަން ޖެހެނީ ނޮވެމްބަރު ހަ ވަނަ ދުވަހު އެވެ.
ސަރުކާރުން ވަނީ މަސްވެރިކަން ސިންދަފާތު ކުރުމަށް ސަރުކާރުން ގެންގުޅުއްވާ ވިސްނުމުގެ ދަށުން ރާއްޖޭގެ އިގުތިސޯދު ފުޅާކޮށް، ސިންދަފާތުކޮށް ކަނޑުގެ ވަސީލަތްތަކުން ލިބޭ ނަފާ އިތުރު ކުރުމުގެ ގޮތުން މެރިކަލްޗާގެ ވިޔަފާރިތައް ގާއިމު ކުރުމަށް، ހެޗަރީތައް ބިނާކުރުމާއި ހެޗަރީގައި އުފައްދާ ބާވަތްތައް މޫދުގެ މާހައުލުގައި ބޮޑު ކުރުމަށް، ފޮރިން އިންވެސްޓްމަންޓުތައް ހިމެނޭ ގޮތަށް އާންމުކޮށް ހުޅުވާލައިގެން ވަކި ޒޯނުތަކެއް މެރިކަލްޗާ ތަރައްގީކުރާ ޒޯނުތަކެއްގެ ގޮތުގައި ކަނޑައެޅުމަށް ވެސް ވަނީ ނިންމާފަ އެވެ.
މެރިކަލްޗާގެ އިތުރުން މާލެ އަތޮޅު ދެކުނުން ވާދޫ ކަނޑުއޮޅިން ފެށިގެން ގާތްގަނޑަކަށް ހަތް ކިލޯމީޓަރު ދެކުނުން އޮތް ޖުމްލަ 73 ހެކްޓަރުގެ ފަރުގެ ސަރަހައްދަކީ "ކޮމާޝަލް ސްކޭލް" އެއް ގައި ފާނަ އާލާކުރުމުގެ މަސައްކަތް ހިންގުމަށް ހާއްސަ ކުރެވޭ މޫދު ކޮށީގެ ސަރަހައްދެއްގެ ގޮތުގައި ކަނޑައަޅަންވެސް ނިންމާފައިވެ އެވެ.