ނޫސްވެރިންގެ އިހުތިޖާޖެއްގައި ހުޅުޖަހަން ހިތްވަރު ދިން މީހަކު ހައްޔަރަށް

މި މައްސަލައިގައި ކޯޓު އަމުރެއްގެ ދަށުން ރޭ ފުލުހުން ހައްޔަރު ކޮށްފައި ވަނީ ސ. ހިތަދޫ، އަތަމާވިލާ، އަލީ އާނިމް މުފީދު، 29، އެވެ.

ހަމަނުޖެހުން ހިންގަން ހިތްވަރުދިން ކަމުގެ ތުހުމަތުގައި ފުލުހުން ހައްޔަރު ކުރި މީހާ --

މޯލްޑިވްސް މީޑީއާ އެންޑް ބްރޯޑްކާސްޓިން ރެގިއުލޭޝަން ބިލާ ދެކޮޅަށް ނޫސްވެރިން ކުރި އިހުތިޖާޖެއްގައި ހަމަނުޖެހުން ހިންގަން ހިތްވަރުދީ އެކްސްގައި ޕޯސްޓްތަކެއް ކުރި މީހަކު ހައްޔަރު ކޮށްފި އެވެ.

މި މައްސަލައިގައި ކޯޓު އަމުރެއްގެ ދަށުން ރޭ ފުލުހުން ހައްޔަރު ކޮށްފައި ވަނީ ސ. ހިތަދޫ، އަތަމާވިލާ، އަލީ އާނިމް މުފީދު، 29، އެވެ.

ސަރުކާރަށް މީޑިއާތަކުގެ ކޮންޓްރޯލް ލިބޭ ގޮތަށް 'މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަން'ގެ ބިލުގެ ނަމުގައި މިދިޔަ ހޯމަ ދުވަހު ރައްޔިތުންގެ މަޖިލީހަށް ބިލެއް ހުށަހެޅުއްވީ ތުޅާދޫ ދާއިރާގެ މެންބަރު އަބްދުﷲ ހަންނާން އަބޫބަކުރެވެ.

އެ ބިލުގައި ހުރި ކަންކަމާ ދެކޮޅަށް ނޫސްވެރިން ވަނީ އިހުތިޖާޖެއް ކޮށްފަ އެވެ. އެ އިހުތިޖާޖާ ގުޅޭ ޕޯސްޓެއް ރިޕޯސްޓް ކުރަމުން އާނިމް އެކްސްގައި ލިޔެފައި ވަނީ ތިގޮތަށް އިހުތިޖާޖުކޮށްގެން އެއްވެސް ކަމެއް ނުވާނެ ކަމަށެވެ.

"ކަމެއް ރަގަޅު ކުރަން ބޭނުންނަމަ ޕެޓްރޯލް ފުޅިއެއް އުކާ. ތަންތަން ރޯކޮށް، މަގުތަކުގައި ދުއްވަން އުނދަގޫވާ ވަރުކޮށްލާ. އެހިސާބުން ޖެހޭނީ އަޑުއަހަން. މުޒާހަރާއަކީ ރިކުއެސްޓެއް ނޫން. ޑިމާންޑެއް! ކނޯ ދަ ޑިފަރެންސް،" އޭނާ އެކްސްގައި ކޮށްފައިވާ ޕޯސްޓުގައި ލިޔެފައި ވަނީ މިހެންނެވެ.

އޭގެ އިތުރުން ވެސް އޭނާގެ އެކައުންޓުން ސަރުކާރަށާއި ރައީސް ޑރ. މުހައްމަދު މުއިއްޒަށް ފާޑުކިޔައި ޕޯސްޓްތައް ކޮށްފައިވެ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.