ތޮއްޑޫގައި ބޭރުގެ ޓީޓީ މުބާރާތެއް | ހުޅުއްވައި ދެއްވީ ރައީސް

އއ. ތޮއްޑޫން މުހައްމަދު އަފްރާހު

މި ރަށު ތެރެ މިއަދު ފެންނަނީ ވަރަށް ހަލަބޮލިކޮށެވެ. ކެފޭ / ރެސްޓޯރެންޓްތައް ވަނީ މީހުންނާއިގެން ފުރިފަ އެވެ. ސަބަބަކީ މި ރަށުގައި މިއަދު ފެށި ބައިނަލްއަގުވާމީ ޓީޓީ މުބާރާތަށް އައި މީހުންގެ ސަބަބުންނެވެ. މި ރަށުގައި ބޭއްވި ރަސްމިއްޔާތެއްހައި މި މުބާރާތް ފައްޓަވައި ދެއްވީ ރައީސް ޑރ. މުހައްމަދު މުއިއްޒު އެވެ. 

ތޮއްޑޫ މާސްޓާ ޓީޓީ ޓޯނަމަންޓްއަކީ ތޮއްޑޫ ލޯކަލް އޮތޯރިޓީ ކުންފުންޏާއި މި ރަށުގެ އެކެޑަމީއެއް ކަމަށްވާ އިހާ އެކަޑަމީން އިންތިޒާމުކޮށްގެން ގައުމީ ޓީޓީ އެސޯސިއޭޝަން އާއި ތޮއްޑޫ ކައުންސިލްގެ އެހީތެރިކަމާއެކު ބާއްވާ މުބާރާތެކެވެ. މި މުބާރާތުގައި 17 ގައުމަކުން ކުޅުންތެރިން ބައިވެރިވި އެވެ. 

މި ހަފުލާއަށްފަހު ރައްޔިތުންނާ ބައްދަލު ކުރައްވައި ވާހަކަ ދައްކަވަމުން ރައީސް ޑރ. މުއިއްޒު ވިދާޅުވީ 80 ވަރަކަށް ގެސްޓްހައުސް ހުރި މި ރަށަށް އަންނަ އަހަރުގެ ފެބްރުއަރީ މަހު ސީޕްލޭންގެ ޝެޑިއުލް ދަތުރުތައް ދަށަން ނިންމާފައިވާ ކަމަށެވެ. 

މި ރަސްމިއްޔާތުގައި ތޮއްޑޫ ކައުންސިލްގެ ރައީސް އަހުމަދު ކަރަމް ވިދާޅުވީ ރައީސްގެ ޝެޑިއުލް ބަދަލު ކުރައްވައި މުބާރާތް ޝަރަފުވެރިކޮށް ދޭން ވަޑައިގެންނެވިކަމަށްޓަކައި ރައީސް މުއިއްޒުއަށް ޝުކުރު ދަންނަވާ ކަމަށެވެ. 

މި މަހުގެ 25 ވަނަ ދުވަހުގެ ނިޔަލަށް ތޮއްޑޫގައި ކުރިއަށް ގެންދާ ވެޓަރަންސް ޓީޓީ މުބާރާތަކީ ސްޕޯޓްސް ޓޫރިޒަމްގެ ދާއިރާއިން ރާއްޖޭގެ ރަށެއްގައި މިހާތަނަށް ބާއްވާ އެންމެ ބޮޑު އެއް މުބާރާތެވެ. މި މުބާރާތަށް މި ރަށަށް 150 އެއްހާ މީހުން އައިސްފައިވެ އެވެ. މި މީހުންގެ ތެރޭގައި ބޭރުގެ މަަޝްހޫރު ޓީޓީ ކުޅުންތެރިންވެސް ހިމެނެ އެވެ.