އެއާޕޯޓް އެޅުމަށް ބޭނުންވާ ބިން ހިއްކުމުގެ އަމަލީ މަސައްކަތް މިއަދު ފައްޓަވައިދެއްވީ ޑރ. މުހައްމަދު މުއިއްޒެވެ. އެރަށުގައި އެއާޕޯޓް އަޅައިދިނުމަކީ ރައީސްގެ ރިޔާސީ ވައުފުޅެކެވެ.
އއ. އަތޮޅުގެ ފުރަތަމަ އެއާޕޯޓް، މަތިވެރީގައި އެޅުމަށް ރޭ ހަވާލުކޮށްފައި ވަނީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ އެވެ. މަޝްރޫއަށް ބޭނުންވާ ބިން ހިއްކުމާއި، އިންވެސްޓް ކުރުމާއި އެތަން އޮޕަރޭޓް ކުރުން ވެސް ހަވާލުކޮށްފައި ވަނީ އެކުންފުންޏާ އެވެ.
އެއާޕޯޓް އެޅުމަށް ބޭނުންވާ ބިން ހިއްކުމުގެ އަމަލީ މަސައްކަތް މިއަދު ފައްޓަވައިދެއްވީ ޑރ. މުހައްމަދު މުއިއްޒެވެ. އެރަށުގައި އެއާޕޯޓް އަޅައިދިނުމަކީ ރައީސްގެ ރިޔާސީ ވައުފުޅެކެވެ.
ކްރޮސް ސަބްސިޑީގެ އުސޫލުން މަތިވެރީގައި އެއަޕޯޓް އަޅައިދޭނެ ބަޔަކު ހޯދުމަށް އިއުލާންކުރީ މިދިޔަ މެއި މަހުގެ ތެރޭގަ އެވެ. މި މަޝްރޫއުގައި ހިމެނެނީ 1500 މީޓަރުގެ ދިގު، 30 މީޓަރު ފުޅާ ރަންވޭއަކާއި، ޓެކްސީވޭއާއި އޭޕްރަންގެ އިތުރުން ޕެސެންޖާ ޓާމިނަލަކާއި ފަޔާ ސްޓޭޝަނެކެވެ. އެއާޕޯޓަށް ބޭނުންވާ މަގުތައް ތަރައްގީ ކުރުމުން ވެސް ހިމެނެ އެވެ.
މަތިވެރީގައި ވާހަކަދައްކަވަމުން ރޭ ރައީސް ވިދާޅުވެފައި ވަނީ އެއާޕޯޓް ތަރައްގީ ކުރުން ހިމެނޭހެން، ރަށަށް ބޭނުންވާ ބޯހިޔާވަހިކަމާއި އެހެނިހެން ތަރައްގީގެ ކަންކަމަށް ބޭނުންވާ 26.5 ހެކްޓަރުގެ ބިން އެރަށުން ހިއްކާނެ ކަމަށެވެ. އަދި، ބިން ހިއްކުމާއި އެއަޕޯޓް ތަރައްގީ ކުރުމުގެ މަޝްރޫއު ދެ އަހަރާ ހަ މަސް ދުވަހުގެ ތެރޭގައި ނިންމާލެވޭނެ ކަމަށްވެސް އެމަނިކުފާނު ވިދާޅުވި އެވެ.
"މި އެއާޕޯޓަކީ ފުރިހަމައަށް ދެކޮޅު ޖެހޭނެ އެއާޕޯޓެއް. އޭގެ ހުރިހާ ހިސާބެއް ބަރާބަރަށް ދިމާވާ 100 ޕަސެންޓު ފީޒަބްލް ޕްރޮޖެކްޓެއް،" ރައީސް ވިދާޅުވި އެވެ.