މަތިވެރި އެއާޕޯޓްގެ ހުރިހާ މަސައްކަތެއް އެމްއޭސީއެލްއަށް

"މި އެއާޕޯޓަކީ ފުރިހަމައަށް ދެކޮޅު ޖެހޭނެ އެއާޕޯޓެއް. އޭގެ ހުރިހާ ހިސާބެއް ބަރާބަރަށް ދިމާވާ 100 ޕަސެންޓު ފީޒަބްލް ޕްރޮޖެކްޓެއް،" ރައީސް ވިދާޅުވި އެވެ.

މަތިވެރި ބިން ހިއްކުމާއި އެއާޕޯޓް މަޝްރޫއު އެމްއޭސީއެލްއާ ހަވާލުކުރުމުގެ އެއްބަސްވުމުގައި ސޮއިކުރުން --

އއ. މަތިވެރީ ބިން ހިއްކުމާއި، އެ އަތޮޅުގެ ފުރަތަމަ އެއާޕޯޓް އެރަށުގައި އެޅުމަށް ބޭނުންވާ ހުރިހާ މަސައްކަތެއް ކުރުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ ސަރުކާރުން މިރޭ ހަވާލުކޮށްފި އެވެ.

މި އެއްބަސްވުމުގައި ސޮއިކޮށްފައި ވަނީ މިރޭ އެމަނިކުފާނު އެރަށަށް ވަޑައިގެން ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގަ އެވެ.

މި އެއްބަސްވުމުގައި ފިނޭންސް މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު ހުސެއިން އިމްރާން އަބްދުލްމުހައިމިން އެވެ. އެމްއޭސީއެލްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު، އިބްރާހިމް ޝަރީފް މުހައްމަދު އެވެ.

ޖަލްސާގައި ވާހަކަ ދައްކަވަމުން ރައީސް ވިދާޅުވީ މަތިވެރި އެއާޕޯޓަށް ބޭނުންވާ ބިން ހިއްކައި، އެއާޕޯޓަށް އިންވެސްކޮށް އަދި އެތަން އޮޕަރޭޓް ކުރުމުގެ ހުރިހާ ކަމެއް ބަލަހައްޓާނީ އެމްއޭސީއެލުން ކަމަށެވެ.

ރައީސް ވިދާޅުވީ އެއާޕޯޓް ތަރައްގީ ކުރުން ހިމެނޭހެން، ރަށަށް ބޭނުންވާ ބޯހިޔާވަހިކަމާއި އެހެނިހެން ތަރައްގީގެ ކަންކަމަށް ބޭނުންވާ 26.5 ހެކްޓަރުގެ ބިން އެރަށުން ހިއްކާނެ ކަމަށެވެ. އަދި ،ބިން ހިއްކުމާއި އެއަޕޯޓް ތަރައްގީ ކުރުމުގެ މަޝްރޫއު ދެ އަހަރާ ހަ މަސް ދުވަހުގެ ތެރޭގައި ނިންމާލެވޭނެ ކަމަށްވެސް އެމަނިކުފާނު ވިދާޅުވި އެވެ.

"މި އެއާޕޯޓަކީ ފުރިހަމައަށް ދެކޮޅު ޖެހޭނެ އެއާޕޯޓެއް. އޭގެ ހުރިހާ ހިސާބެއް ބަރާބަރަށް ދިމާވާ 100 ޕަސެންޓު ފީޒަބްލް ޕްރޮޖެކްޓެއް،" ރައީސް ވިދާޅުވި އެވެ.

ރައީސް ޑރ. މުހައްމަދު މުއިއްޒު މިރޭ މަތިވެރީގައި ވާހަކަ ދައްކަވަނީ

ކްރޮސް ސަބްސިޑީގެ އުސޫލުން މަތިވެރީގައި އެއަޕޯޓް އަޅައިދޭނެ ބަޔަކު ހޯދުމަށް އިއުލާންކުރީ މިދިޔަ މެއި މަހުގެ ތެރޭގަ އެވެ. މި މަޝްރޫއުގައި ހިމެނެނީ 1500 މީޓަރުގެ ދިގު، 30 މީޓަރު ފުޅާ ރަންވޭއަކާއި، ޓެކްސީވޭއާއި އޭޕްރަންގެ އިތުރުން ޕެސެންޖާ ޓާމިނަލަކާއި ފަޔާ ސްޓޭޝަނެކެވެ. އެއާޕޯޓަށް ބޭނުންވާ މަގުތައް ތަރައްގީ ކުރުމުން ވެސް ހިމެނެ އެވެ.

މަތިވެރީގައި އެއާޕޯޓެއް އެޅުމަކީ ރައީސް މުއިއްޒުގެ ރިޔާސީ ވައުދުފުޅެކެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.