އަހަރުގެ ދެވަނަ ދައުރު ނިންމައި މަޖިލިސް ޗުއްޓީއަށް

މި ދައުރުގެ ތެރޭގައި ވެސް މަޖިލީހުން މުހިންމު މަސައްކަތްތަކެއް ކުރެވުނު ކަން ފާހަގަކުރައްވައި އަބްދުއްރަހީމް ވަނީ މެމްބަރުން ދެއްވި އެއްބާރުލެއްވުމަށް ޝުކުރު އަދާކުރައްވައިފަ އެވެ.

ވިހިވަނަ ރައްޔިތުންގެ މަޖިލީހުގެ މެންބަރުން -- ފޮޓޯ: ރައްޔިތުންގެ މަޖިލީސް

ރައްޔިތުންގެ މަޖިލީހުގެ މި އަހަރުގެ ދެވަނަ ދައުރު ނިންމައި، މެމްބަރުން މިއަދު ޗުއްޓީއަށް ހިނގައްޖެ އެވެ.

މަޖިލީހުގެ ގަވާއިދުގައި ބުނާ ގޮތުން މަޖިލީހުގެ މަސައްކަތްތައް ބެހިފައިވަނީ ކޮންމެ އަހަރެއްގައި ވެސް ތިން ދައުރަކަށެވެ. 

ފުރަތަމަ ދައުރު ހިނގަނީ ފެބްރުއަރީ އެކަކުން ފެށިގެން މެއި 15، އަށެވެ. ދެވަނަ ދައުރު ޖޫން މަހުގެ ފުރަތަމަ ދުވަހުން ފެށިގެން އޮގަސްޓު 15، އަށް ނިމޭއިރު ތިންވަނަ ދައުރު ފަށަނީ އޮކްޓޯބަރު މަހުގެ ފުރަތަމަ ދުވަހު އެވެ. އަދި އެ ދައުރު ނިމޭނީ ނޮވެމްބަރު މަހުގެ ފަހު ދުވަހު އެވެ.

މަޖިލީހުގެ ދެވަނަ ދައުރު މިދިޔަ ހަފްތާއަށް ހަމަވާން އޮތަސް، މުހިންމު މަސައްކަތްތަކެއް ނުނިމޭތީ، އަންނަ ބުރާސްފަތި ދުވަހާ ހަމައަށް ދައުރު އޮތީ ދަންމާލައިފަ އެވެ.

ނަމަވެސް، މިއަދުގެ ޖަލްސާ ނިންމަވާލެއްވުމުގެ ކުރިން ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވަނީ މިއީ މި ދައުރުގެ ފަހު ޖަލްސާ ކަމަށް އިއުލާނުކުރައްވައިފަ އެވެ.

އަދި މި ދައުރުގެ ތެރޭގައި ވެސް މަޖިލީހުން މުހިންމު މަސައްކަތްތަކެއް ކުރެވުނު ކަން ފާހަގަކުރައްވައި އަބްދުއްރަހީމް ވަނީ މެމްބަރުން ދެއްވި އެއްބާރުލެއްވުމަށް ޝުކުރު އަދާކުރައްވައިފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.