ޓޫރިސްޓުން އަންނަ އަދަދު މަހެއް ކުރީގައި | މިއަހަރު 1.4 މިލިއަނަށް
އިއްޔެ ނިޔަލަށް ރާއްޖެއަށް 1.4 ޓޫރިސްޓުން ވަނީ ހަމަވެފަ އެވެ. ނަމަވެސް މިދިޔަ އަހަރު މި އަދަދަށް ޓޫރިސްޓުން އައިސްފައިވަނީ ސެޕްޓެމްބަރު މަހުގެ 16 ވަނަ ދުވަހު އެވެ.
މިދިޔަ އަހަރު 1.4 މިލިއަން ޓޫރިސްޓުން ހަމަވި ތާރީހަށްވުރެ އަވަހަށް މި އަހަރު 1.4 މިލިއަން ޓޫރިސްޓުން ރާއްޖެއަށް ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން އިއްޔެ ނިޔަލަށް ރާއްޖެއަށް 1.4 ޓޫރިސްޓުން ވަނީ ހަމަވެފަ އެވެ. ނަމަވެސް މިދިޔަ އަހަރު މި އަދަދަށް ޓޫރިސްޓުން އައިސްފައިވަނީ ސެޕްޓެމްބަރު މަހުގެ 16 ވަނަ ދުވަހު އެވެ. އެހެންވެ މިއީ ގާތްގަނޑަކަށް އެއް މަސް ދުވަހުގެ އަވަސްވުމެކެވެ.
ތަފާސް ހިސާބުތައް ދައްކާ ގޮތުން މިދިޔަ އަހަރުގެ މި މުއްދަތާ ހަމައަށް އައިސްފައިވަނީ 1.2 މިލިއަން ޓޫރިސްޓުންނެވެ. އެހެންވެ މިއީ މި އަހަރު އައިސްފައިވާ 1.4 މިލިއަން ޓޫރިސްޓުންނާ އަޅާބަލާއިރު ނުވަ ޕަަސެންޓުގެ އިތުރުވުމެކެވެ.
ޓޫރިސްޓުން އައި ގައުމުތައް
- ޗައިނާ - 217,041
- ރަޝިއާ - 167,418
- ޔޫކޭ - 129,371
- އިޓަލީ - 101,051
- ޖަރުމަނީ - 97,188
- އިންޑިއާ - 80,294
- ޔޫއެސްއޭ - 41,904
- ފްރާންސް - 39,804
- ސްޕެއިން - 30,302
- ސްވިޒަލޭންޑް - 26,092
ޓޫރިޒަމް ހިސާބުތައް ދައްކާ ގޮތުން މި އަހަރުގެ މިހާތަނަށް އެވްރެޖުކޮށް އައިސްފައިވަނީ 6,154 ޓޫރިސްޓުންނެވެ. އަދި މުޅި އަހަރަށް ބަލާއިރު މަހުން މަހަށް ޓޫރިސްޓުން އަންނަ އަދަދު އިތުރުވަމުންދާކަން ފާހަގަކުރެވެ އެވެ. މި އަހަރުގެ މިހާތަނަށް ބަލާއިރު ޓޫރިޒަމް އޮކިއުޕެންސީ ހުރީ 60 ޕަސެންޓުގަ އެވެ.
މިދިޔަ އަހަރު ރާއްޖެ އަށް ދެ މިލިއަން ޓޫރިސްޓުން އައިސްފައިވާއިރު މި އަހަރު 2.3 މިލިއަން ޓޫރިސްޓުން އަންނާނެ ކަމަށް ސަރުކާރުން އަންދާޒާކޮށްފައިވެ އެވެ. އަދި ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލް ހުޅުުވާއެކު މި އަހަރު 2.4 މިލިއަން ޓޫރިސްޓުން އަންނާނެ ކަމަށް އެމްއެމްއޭއިން އަންދާޒާކޮށްފައިވެ އެވެ.
ކޮމެންޓް
Republic of Maldives