އެޗްއާރުސީއެމަށް ޝަފީގު އައްޔަނުކުރަން ފާސްކޮށްފި

ލޯކަލް ގަވަމެންޓް އޮތޯރިޓީ (އެލްޖީއޭ)ގެ ސީއީއޯގެ މަގާމު ފުރުއްވި ޝަފީގު އެޗްއާރުސީއެމްގެ މެމްބަރުކަމަށް އައްޔަނުކުރަން މަޖިލީހުގެ މިއަދުގެ ޖަލްސާގައި ފާސްކުރީ އެކަމަށް ނެގުނު ވޯޓުގައި ބައިވެރިވެވަޑައިގެންނެވި 64 މެމްބަރުންގެ އިއްތިފާގުން.

އެޗްއާރުސީއެމްގެ މެމްބަރަކަށް އައްޔަނުކުރަން މަޖިލީހުން ރުހުން ދިން މުހައްމަދު ޝަފީގް މަހުމޫދު. --ފޮޓޯ: ސަން

ހިޔުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އަށް އައްޔަނު ކުރުމަށް ރައީސް މުހައްމަދު މުއިއްޒު ރައްޔިތުންގެ މަޖިލީހަށް ފޮނުއްވި މުހައްމަދު ޝަފީގް މަހުމޫދު އެ މަގާމަށް އައްޔަނުކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ. 

ލޯކަލް ގަވަމެންޓް އޮތޯރިޓީ (އެލްޖީއޭ)ގެ ސީއީއޯގެ މަގާމު ފުރުއްވި ޝަފީގު އެޗްއާރުސީއެމްގެ މެމްބަރުކަމަށް އައްޔަނުކުރަން މަޖިލީހުގެ މިއަދުގެ ޖަލްސާގައި ފާސްކުރީ އެކަމަށް ނެގުނު ވޯޓުގައި ބައިވެރިވެވަޑައިގެންނެވި 64 މެމްބަރުންގެ އިއްތިފާގުންނެވެ. 

އެޗްއާރުސީއެމްގައި ތިއްބަވާ ފަސް މެންބަރުންގެ ތެރެއިން ދެ މެންބަރެއްގެ މަގާމުގެ މުއްދަތު އަންނަ މަހު ހަމަވާތީ، އެ ބޭފުޅުންގެ ބަދަލުގައި އެ ކޮމިޝަނަށް އައްޔަނު ކުރުމަށް މަޖިލީހަށް ރައީސް ފޮނުއްވީ ޝަފީގުގެ އިތުރުން ފާރިޝް ތޯހާގެ ނަމެވެ.

ފާރިޝްގެ މައްޗަށް ގެވެށި އަނިޔާގެ ތުހުމަތުތަކެއް އޮތުމުން އެ މަގާމަށް އޭނާ އައްޔަނު ކުރަން ނުފެންނަ ކަމަށް މަޖިލީހުގެ ހިޔުމަން ރައިޓްސް އެންޑް ޖެންޑާ ކޮމެޓީ އިން އިއްޔެ ވަނީ ނިންމައިފަ އެވެ.

ތުހުމަތުތަކަށް ތޯހާ އިންކާރު ކުރި ނަމަވެސް އޭނާއަށް 75 މާކްސް ނުލިބޭތީ ނަން ފާސްކުރަން ތަޅުމަކަށް ނުފޮނުވޭނެ އެވެ. ކޮމިޝަނަށް އައްޔަނު ކުރުމަށް މާކްސް ދިނުމުގެ މިންގަނޑާ އެއްގޮތަށް، 75 މާކްސްއަށް ވުރެ މަތިން މާކްސް ލިބުނީ ޝަފީގަށެވެ.

އެހެންވެ، އެ ކޮމިޓީން ތަޅުމަށް ފޮނުވާފައިވަނީ ޝަފީގުގެ ނަން އެކަންޏެވެ.

ތޯހާގެ މައްޗަށް ކުރެވޭ ގެވެށި އަނިޔާގެ ތުހުމަތު އޭނާގެ ކުރީގެ އަނބިކަނބަލުން ވެސް ވަނީ ދޮގުކުރައްވައިފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.