ސީއެސްސީއަށް އަލުން ނާސިހު އައްޔަނުކުރަން މަޖިލީހަށް
ސީއެސްސީއަށް ނާސިހު އައްޔަނުކުރަން އިސްކަން ދެއްވައި ރައީސް ފޮނުއްވިއިރު، އޭނާއަކީ މި ސަރުކާރު ވެރިކަމަށް އައުމާ އެކު އެ ކޮމިޝަނުން ވަކިކުރަން މަސައްކަތް ކުރި ބޭފުޅެކެވެ.
ސިވިލް ސާވިސް ކޮމިޝަން (ސީއެސްސީ)ގެ ރައީސްކަމުގައި ހުންނެވި މުހައްމަދު ނާސިހު އަލުން އެ ކޮމިޝަނަށް އައްޔަނުކުރަން ރައްޔިތުންގެ މަޖިލީހަށް ފޮނުއްވައިފި އެވެ.
ސީއެސްސީގައި މި ވަގުތު ތިއްބެވި މެންބަރުންގެ ތެރެއިން ނާސިހާއި މުހައްމަދު ފަރުސަތާއި ފާތިމަތު ޝަރީފްގެ މެންބަރުކަން އަންނަ މަހުގެ ތިންވަނަ ދުވަހަށް ހަމަވާނެ އެވެ.
އެ ކޮމިޝަންގެ މެންބަރުކަމަށް ކުރިމަތިލުމަށް އާންމުކޮށް ހުޅުވާލި ފުރުސަތުގައި ކުރިމަތިލީ ފަރާތްތަކުގެ ތެރެއިން ނާސިހާ އެކު ހިމެނޭހެން ހަ ނަމެއް ރައީސް ޑރ. މުހައްމަދު މުއިއްޒު ވަނީ މަޖިލީހަށް ފޮނުއްވައިފަ އެވެ.
- ޑރ. ހުސައިން ފާއިޒް - ދަފްތަރު ނަންބަރު 1325
- ޑރ. ދީބާ މޫސާ - މ. ވައިޓްބެލް
- ބަދުރިއްޔާ މޫސާ - ދަފްތަރު ނަންބަރު ރސ-414
- ޑރ. ފާތިމަތު މުނާ - ވާދީއާގެ، ގއ. ވިލިނގިލި
- އާމިނަތު އުއްމުކުލްސޫމް - މޫންލައިޓްހައުސް، އައްޑޫ، މަރަދޫ
އެއާ އެކު އެ ނަންތައް ދިރާސާކުރަން މަޖިލީހުގެ މިއަދުގެ ޖަލްސާގައި ވަނީ މިނިވަން މުއައްސަސާތަކުގެ ކޮމިޓީއަށް ފޮނުއްވައިފަ އެވެ.
ސީއެސްސީއަށް ނާސިހު އައްޔަނުކުރަން އިސްކަން ދެއްވައި ރައީސް ފޮނުއްވިއިރު، އޭނާއަކީ މި ސަރުކާރު ވެރިކަމަށް އައުމާ އެކު އެ ކޮމިޝަނުން ވަކިކުރަން މަސައްކަތް ކުރި ބޭފުޅެކެވެ.
ކޮމެންޓް
Republic of Maldives