ދަނޑުވެރިކަމާ ގުޅުންހުރި ދެ ދާއިރާއަކުން ސްކޮލަޝިޕް

ދަނޑުވެރިކަމާ ގުޅުން ހުރި ދެ ދާއިރާއަކުން ސްކޮލަޝިޕްގެ ފުރުސަތު ހުޅުވާލައިފި އެވެ.

ފިޝަރީސް މިނިސްޓްރީން އިއްޔެ ކުރި އިއުލާނެއްގައި ބުނެފައި ވަނީ މިއީ ޓްރާންސްފޯމިންގް ފިޝަރީޒް މެނޭޖްމަންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓްގެ ދަށުން ހުޅުވައިލާ ފުރުސަތެއް ކަމަށެވެ. މި ފުރުސަތުގެ ދަށުން ކިޔެވުމުގެ ފުރުސަތު ލިބޭނީ އޭޝިއާ އަދި ސައުތު ވެސްޓް އިންޑިއަން އޯޝަން ފިޝަރީޒް ކޮމިޝަންގެ ގައުމުތަކުންނެވެ.

ދިވެހި ސަރުކާރާއި ވޯލްޑް ބޭންކާއި ގުޅިގެން ހިންގާ މި ޕްރޮޖެކްޓުގެ ދަށުން ރާއްޖެއިން ބޭރުން ދަނޑުވެރިކަމާ ބެހޭ ބެޗްލާސް ޑިގްރީ ހާސިލް ކުރުމަށް ދެ ދާއިރާއަކުން ވަނީ ފުރުސަތު ހުޅުވާލައިފަ އެވެ. އެއީ؛

ފިޝަރީސް މިނިސްޓްރީން ބުނެފައި ވަނީ މި ސްކޮލަޝިޕަށް ޝަރުތު ހަމަވާނީ ޖީސީއީ އޯލެވެލްގެ ފަސް މާއްދާއިން 'ސީ' އިން ފެށިގެން މަތީ ގްރޭޑެއް ހާސިލުކޮށް އަދި، ޖީސީއީ އޭލެވެލްގެ ތިން މާއްދާއިން 'ސީ' އިން ފެށިގެން މަތީ ގްރޭޑެއް ހާސިލްކޮށްފައިވާ ފަރާތްތަކަށް ކަމަށެވެ.

މި ސްކޮލަޝިޕްގެ ދަށުން ކޯސް ފީ އާއި، ސްކޮލަޝިޕްގައި ކިޔަވަމުންދާ މުއްދަތަށް އަހަރަކު އެއްފަހަރު ބުކް އެލަވަންސާއި، އެސްޓަބްލިޝްމަންޓް އެލަވަންސްގެ އިތުރުން ޑިޕާޗާ އެލަވަންސާއި ކިޔަވަމުންދާ މުއްދަތަށް ސްޓައިފަންޑް ދޭނެ އެވެ.

ކޯސްތަކަށް ކުރިމަތިލާ ފަރާތްތަކުން އަންނަ މަހުގެ 18 ވަނަ ދުވަހުގެ މެންދުރު 12:00 ގެ ކުރިން މިނިސްޓްރީއަށް އެޕްލިކޭޝަން ހުށަހެޅުމަށް އެ އިއުލާނުގައިވެ އެވެ.