ގެވެށި އަނިޔާގެ ތުހުމަތު އޮތުމުން އެޗްއާރުސީއެމަށް ތޯހާ އައްޔަންކުރަން ފާހެއް ނުވި

ނަމަވެސް ތޯހާ ވަނީ އެކަމަށް އިންކާރު ކުރައްވާފަ އެވެ. އޭނާ ވިދާޅުވީ، އޭނާ އަށް އެފަދަ ތުހުމަތެއް އޮތްކަން އެނގިވަޑައިގެންފައި ނުވާ ކަމަށާއި އެފަދަ ތުހުމަތެއްގައި އެއްވެސް އިދާރާއަކަށް ހާޒިރުކޮށް ސުވާލުކޮށްފައި ވެސް ނުވާ ކަމަށެވެ.

އެޗްއާރްސީއެމަށް އައްޔަނު ކުރަން ރައީސް ފޮނުއްވި ދެ ބޭފުޅުންނާ އިންޓަވިއު ކުރުމަށް ބޭއްވި ބައްދަލުވުން --

ހިޔުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އަށް އައްޔަނު ކުރުމަށް ރައީސް މުހައްމަދު މުއިއްޒު ރައްޔިތުންގެ މަޖިލީހަށް ފޮނުއްވި ދެ ނަމުގެ ތެރެއިން މުހައްމަދު ފާރިޝް ތޯހާގެ މައްޗަށް ގެވެށި އަނިޔާގެ ތުހުމަތުތަކެއް އޮތުމުން އެ މަގާމަށް އޭނާ އައްޔަނު ކުރަން ނުފެންނަ ކަމަށް ރައްޔިތުންގެ މަޖިލީހުގެ ހިޔުމަން ރައިޓްސް އެންޑް ޖެންޑާ ކޮމެޓީ އިން ފާސްކޮށްފި އެވެ.

އެޗްއާރުސީއެމްގައި ތިއްބަވާ ފަސް މެންބަރުންގެ ތެރެއިން ދެ މެންބަރެއްގެ މަގާމުގެ މުއްދަތު އަންނަ މަހު ހަމަވާތީ، އެ ބޭފުޅުންގެ ބަދަލުގައި އެ ކޮމިޝަނަށް އައްޔަނު ކުރުމަށް މަޖިލީހަށް ރައީސް ފޮނުއްވީ ތޯހާގެ އިތުރުން މުހައްމަދު ޝަފީގް މަހުމޫދުގެ ނަމެވެ.

ކުރިން ސިފައިންގޭގައި މަސައްކަތް ކުރެއްވި ތޯހާއަށް ގެވެށި އަނިޔާގެ ތުހުމަތު ކުރެވޭކަން އެނގުނީ އިއްޔެ ކޮމެޓީން އޭނާއާ އިންޓަވިއު ކުރުމުންނެވެ.

އެ އިންޓަވިއުގައި ދާންދޫ ދާއިރާގެ މެންބަރު މުހައްމަދު ފަޒީލް ވިދާޅުވެފައި ވަނީ އެޗްއާރްސީއެމަށް އައްޔަންކުރަން ރައީސް ފޮނުއްވި ދެ ނަމަށް ވެސް ގިނަ ޝަކުވާތަކެއް ލިބިފައިވާ ކަމަށެވެ. އެގޮތުން އޭގެ ތެރޭގައި ކުރީގެ އަންހެނުންނަށް ގެވެށި އަނިޔާ ކޮށްފައިވާ ކަމުގެ ތުހުމަތު ހިމެނޭތީ، އެފަދަ ތުހުމަތެއް ތޯހާއަށް އޮތްތޯ ވަނީ ސުވާލު ކުރައްވާފަ އެވެ.

ނަމަވެސް ތޯހާ ވަނީ އެކަމަށް އިންކާރު ކުރައްވާފަ އެވެ. އޭނާ ވިދާޅުވީ، އޭނާ އަށް އެފަދަ ތުހުމަތެއް އޮތްކަން އެނގިވަޑައިގެންފައި ނުވާ ކަމަށާއި އެފަދަ ތުހުމަތެއްގައި އެއްވެސް އިދާރާއަކަށް ހާޒިރުކޮށް ސުވާލުކޮށްފައި ވެސް ނުވާ ކަމަށެވެ.

"ނޫން. އަޅުގަނޑު އަދި އަޑުއެހީ މި އިނގޭތޯ. އަޅުގަނޑުގެ ގެވެށި އަނިޔާގެ އެއްވެސް މައްސަލައެއް ދިމައެއް ނުވޭ. އެއްވެސް އިދާރާއަކަށް ވެސް ހާޒިރު ކުރައްވާފައެއް ނުވޭ. އަޅުގަނޑަށް އެނގިގެނެއް އެކަހަލަ މައްސަލައެއް ދިމާވެފައެއް ނެތް،" ތޯހާ ވިދާޅުވި އެވެ.

އެ ތުހުމަތާ ގުޅިގެން މާފަންނު ދެކުނު ދާއިރާގެ މެންބަރު އަބްދުﷲ ރިފާއު ސުވާލު ކުރެއްވުމުން ތޯހާ ވިދާޅުވީ އެ ކައިވެނި ރޫޅުނީ ގެވެށި އަނިޔާއާ ހެދި ކަމަށް ބުނާ އަޑުތަކެއް އިވުނު ކަމަށާއި، އެ ތުހުމަތުތަކާ ގުޅިގެން ކުރީގެ އަނބިމީހާއާ އެންމެ ފުރަތަމަ ސުވާލުކޮށްފައި ވަނީ އަނބިމީހާގެ މަންމަ ކަމަށެވެ.

"ސުވާލު ކުރީމަ ބުނި އެއްވެސް އަނިޔާ އެއް ނުކުރެޔޭ. އަޅުގަނޑެއް ނުކުރަން އަނިޔާ އެއް،" ތޯހާ ވިދާޅުވި އެވެ.

އޭނާ ވިދާޅުވެފައި ވަނީ އެ އާއިލާއާ މިހާރު ވެސް ގުޅުން އޮންނަ ކަމަށް ވެސް ވިދާޅުވި އެވެ.

ތުހުމަތުތަކަށް ތޯހާ އިންކާރު ކުރި ނަމަވެސް އޭނާއަށް 75 މާކްސް ނުލިބޭތީ ނަން ފާސްކުރަން ތަޅުމަކަށް ނުފޮނުވޭނެ އެވެ. ކޮމިޝަނަށް އައްޔަނު ކުރުމަށް މާކްސް ދިނުމުގެ މިންގަނޑާ އެއްގޮތަށް، 75 މާކްސްއަށް ވުރެ މަތިން މާކްސް ލިބުނީ މުހައްމަދު ޝަފީގަށެވެ.

އެޗްއާރްސީއެމަށް ދެ މެންބަރަކު އައްޔަނު ކުރަނީ ނައިބު ރައީސް މޫމިިނާ ވަހީދު އަދި މެންބަރު އާމިނަތު ޝިފާތު އަބްދުއްރައްޒާގުގެ މެންބަރުކަމުގެ ދައުރު ހަމަވާތީ އެވެ.

ކޮމެންޓް

1
450
އަންމަޑޭ
1 week ago

އެ މަންޖެ އެބަ ބުނޭ އަނިޔާއެއް ނުކުރެއޭ

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.