އެއާލައިންތައް އާ ޓާމިނަލްއަށް ހިޖުރަ ކުރުން ހަލުވިކޮށްފި

ރާއްޖޭގެ މިނިވަން ދުވަހާ ދިމާކޮށް ހުޅުވި އާ ޓާމިނަލްއާއެކު ރާއްޖޭގެ އިގްތިސޯދަށް ބޮޑު ކުރިއެރުމެއް އަންނާނެ ކަމަށް ދުނިޔޭގެ މާލީ އިދާރާތަކުން ވަނީ ބުނެފަ އެވެ.

ވީއައިއޭ އާ ޓާމިނަލް އިން ޓޫރިސްޓުންނަށް މަރުހަބާ ކިޔަނީ -- އެމްއޭސީއެލް

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލް ހުޅުވުމަށްފަހު ހިދުމަތްތައް އެ ޓާމިނަލަށް ހިޖުރަ ކުރުން ހަލުވިކޮށްފި އެވެ.

ރާއްޖޭގެ މިނިވަން ދުވަހާ ދިމާކޮށް ހުޅުވި އާ ޓާމިނަލްއާއެކު ރާއްޖޭގެ އިގްތިސޯދަށް ބޮޑު ކުރިއެރުމެއް އަންނާނެ ކަމަށް ދުނިޔޭގެ މާލީ އިދާރާތަކުން ވަނީ ބުނެފަ އެވެ. އެހެންވެ ސަރުކާރުން ވަނީ ޓޫރިޒަމް ސީޒަންގެ އެންމެ ޕީކް މޫސުން އަންނަވާއިރަށް ހުރިހާ އެއާލައިންތަކެއްގެ ދަތުރުތައް އާ ޓާމިނަލަށް ބަދަލު ކުރުމުގެ މަސައްކަތް ކުރަމުންނެވެ.

ވީއައިއޭ އަށް ދަތުރު ކުރާ އެއާލައިންތައް ޓާމިނަލްއަށް ހިޖުރަ ކުރުމުގެ މަސައްކަތް ދަނީ އެމްއޭސީއެލްއިން ހަލުވިކަމާއެކު ކުރަމުންނެވެ. މިހާތަނަށް މޯލްޑިވިއަން އާއި ޔޫއޭއީގެ އެއާއަބިއާ އަދި ދުނިޔޭގެ ފުރަތަމަ ލަގްޒަރީ އެއާލައިން ބިއޮންޑް އާއި ފިޓް އެއާގެ ދަތުރުތައް ވެސް ވަނީ ބަދަލުކޮށްފަ އެވެ. 

އާ ޓާމިނަލްގައި ހިމެނޭ ބައިތައް

  •  47 ޗެކިން ކައުންޓަރު
  •  ހަ ސެލްފް ސާވިސް ކައުންޓަރު
  •  20 ޑިޕާޗާ އިމިގްރޭޝަން ކައުންޓަ
  •  އޭވިއޭޝަން ސެކިއުރިޓީގެ ޗެކްޕޯސްޓުތައް
  •  28 އިމިގްރޭޝަން ކައުންޓަރު
  •  12 ޕަސެންޖާ ބޯޑިން ގޭޓު (އެރައިވް 6، ޑިޕާޗާ 6)
  •  ހަ ބެގޭޒް ކްލެއިމް ބެލްޓު (އޯވަސައިޒް ލަގެޖް ބެލްޓާއެކު)
  •  ކަސްޓަމްސް ޗެކް ޕޯސްޓް
  •  ކެއިން ބުއިމުގެ ހާއްސަ ވަސީލަތްތައް

ވީއައިއޭގެ ތަފާސް ހިސާބުތައް ދައްކާ ގޮތުން ފްލައިޓް މޫވްމެންޓް ދަނީ އިތުރު ވަމުންނެވެ. މި އަހަރުގެ މިހާތަނަށް އެންމެ ގިނަ ފަސިންޖަރުން އެއް ދުވަހެއްގެ ތެރޭގައި އެއާޕޯޓް މި އަހަރުގެ ޖެނުއަރީ ހަތަރު ވަނަ ދުވަހު ވެެ. އެ ދުވަހު 26،658 ފަސިންޖަރުނަށް ހިދުމަތް ދިނެވެ. އަދި ސީޕްލޭން އިން އެންމެ ގިނަ ބަޔަކު ދަތުރުކުރީ ފެބްރުއަރީ 16 ވަނަ ދުވަހު އެވެ. އެދުވަހު 7،439 ފަސިންޖަރުން ދަތުރުކުރި އެވެ. އެވްރެޖުކޮށް މިދިޔަ ހަ މަސް ތެރޭ ދުވާލަކު ހިދުމަތް ހޯދި މީހުންގެ އަދަދު އުޅެނީ 22،000 އިން މަތީގަ އެވެ.

މި އަހަރު ވީއައިއޭގެ އެއާޓްރެފިކް މޫވްމެންޓު ވެސް ވަނީ އިތުރުވެފަ އެވެ. އެއަރ އެއާޓްރެފިކް މޫވްމެންޓް މިދިޔަ އަހަރާ އަޅާ އަޅާބަލާއިރު ހަތް ޕަސެންޓް އިތުރުވެފައިވެ އެވެ. އެއާ ޓްރެފިކް މޫވްމަންޓްސް އެވްރެޖުކޮށް ހުރީ 124،665 ގަ އެވެ. މި މުއްދަތުގައި ބައިނަލްއަގްވާމީ ފްލައިޓްތަކުގެ މޫވްމަންޓްސް ހުރީ 17،614 ގަ އެވެ. އަދި ޑޮމެސްޓިކް މޫވްމަންޓްސް ހުރީ 14،110 ގައެވެ. ސީޕްލޭން މޫވްމަންޓްސް ހުރީ 92،941 ގަ އެވެ. އަދި މިދިޔަ ހަ މަސް ތެރޭ 34،000 ޓަނުގެ ކާގޯ ވަނީ ކްލިއަކޮށްފައިވެ އެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު ހަ ޕަަސެންޓުގެ އިތުރުވުމެކެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.