ކައްދޫގައި ހިނގި އެކްސިޑެންޓްގައި އަނިޔާވި އެކަކު މަރުވެއްޖެ
މި އެކްސިޑެންޓްގައި އަނިޔާވި އުމުރުން 64 އަހަރުގެ އަންހެން މީހާ ފަރުވާ ދެމުން ދަނިކޮށް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
ލ. ކައްދޫގައި މިރޭ ހިނގައިދިޔަ އެކްސިޑެންޓްގައި އަނިޔާވި އުމުރުން ދުވަސްވީ އަންހެން މީހާ މަރުވެއްޖެ އެވެ.
މިރޭ 19:18 ހާއިރު އެކްސިޑެންޓްވެފައި ވަނީ ފޮނަދޫން ގަމަށް ދަތުރުކުރި ސައިކަލެއް، ކައްދޫ އެއާޕޯޓަށް ދާން މަގު ހުރަސް ކުރި ބައެއް ގައިގައި ޖެހިގެންނެވެ.
ފުލުހުން ބުނީ މި އެކްސިޑެންޓްގައި ޒިބްރާ ކްރޮސް އިން މަގު ހުރަސް ކުރި ދެ އަންހެނުންނަށާއި ސައިކަލުގައި ތިބި މީހުންނަށް އަނިޔާ ވެގެން ގަން ރީޖަނަލް ހޮސްޕިޓަލަށް ގެންގޮސްފައިވާ ކަމަށެވެ.
މި އެކްސިޑެންޓްގައި އަނިޔާވި އުމުރުން 64 އަހަރުގެ އަންހެން މީހާ ފަރުވާ ދެމުން ދަނިކޮށް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
ފުލުހުން އިތުރަށް ބުނީ މައްސަލަ ތަހުގީގު ކުރަމުންދާ ކަމަށެވެ.
ކޮމެންޓް
Republic of Maldives