މައްސަލަ ހައްލުކޮށް މާލެ އާއި ހުޅުމާލެއަށް ކަރަންޓު ދީފި
"ކަރަންޓުގެ ހިދުމަތް މެދުކެނޑެން ދިމާވި މައްސަލަ ހައްލުކޮށް، ހިދުމަތް މެދުކެނޑުނު މާލެއާއި ހުޅުމާލޭގެ ހުރިހާ ސަރަހައްދަކަށް މިހާރު ވަނީ އަލުން ކަރަންޓު ދެވިފައި،" ސްޓެލްކޯ އިން ބުންޏެވެ.
ޓެކްނިކަލް މައްސަލައެއް ދިމާވެ، މާލެ އާއި ހުޅުމާލޭގެ ބައެއް ސަރަހައްދުތަަކުން މިއަދު ވަނީ ކަރަންޓު ކެނޑިފަ އެވެ.
ސްޓެލްކޯ އިން މީގެ އިރުކޮޅެއް ކުރިން ބުނީ ކަރަންޓުގެ ހިދުމަތް މެދުކެނޑެން ދިމާވި މައްސަލަ ހައްލުކޮށްކޮށްފައިވާ ކަމަށެވެ.
"ކަރަންޓުގެ ހިދުމަތް މެދުކެނޑެން ދިމާވި މައްސަލަ ހައްލުކޮށް، ހިދުމަތް މެދުކެނޑުނު މާލެއާއި ހުޅުމާލޭގެ ހުރިހާ ސަރަހައްދަކަށް މިހާރު ވަނީ އަލުން ކަރަންޓު ދެވިފައި،" ސްޓެލްކޯ އިން ބުންޏެވެ.
އަދި ކަރަންޓު ނުލިބޭ އެއްވެސް ކަސްޓަމަރެއްވާނަމަ، ސްޓެލްކޯގެ ހޮޓްލައިން 104 އަށް ގުޅުމަށް ވެސް ވަނީ އެދިފަ އެވެ.
މިއަދު ކަރަންޓު ކެނޑިފައިވާއިރު، މީގެ ކުރިން ވެސް މުޅި މާލޭންނާއި ހުޅުމާލޭން ވަނީ ކަރަންޓު ކެނޑިފަ އެވެ. އެގޮތުން މިމަހުގެ ނުވަވަނަ ދުވަހު ހެނދުނު ދެ ގަޑިއިރަށް ވަނީ ކަރަންޓު ކެނޑިފަ އެވެ.
އޭގެ ކުރީން ޖޫން މަހު ނުވަ ގަޑިއިރަށް ވަނީ ކަރަންޓު ކެނޑިފަ އެވެ. އެފަހަރު އެއާޕޯޓުން ވެސް ކަރަންޓު ކެނޑުނެވެ. އެ މައްސަލަ ފުލުހުން މިހާރު ދަނީ ތަހުގީގު ކުރަމުންނެވެ.
ކޮމެންޓް
Republic of Maldives