ރާއްޖެ އައި މިލިއަނަކަށްވުރެ ގިނަ ޓޫރިސްޓުންގެ ޗުއްޓީ ރިސޯޓްތަކުގައި

ރާއްޖެ އަށް މިހާތަނަށް އައި މިލިއަނަށްވުރެ ގިނަ ޓޫރިސްޓުގެ ޗުއްޓީ ހޭދަކޮށްފައިވަނީ ރިސޯޓްތަކުގައި ކަމަށް ދައްކައިފި އެވެ. 

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން ރާއްޖެއަށް މިހާތަނަށް 1.3 މިލިއަން ޓޫރިސްޓުން އައިސްފައިވާއިރު، މީގެ ތެރޭން އެއް މިލިއަން ޓޫރިސްޓުން ޗުއްޓީ ހޭދަކޮށްފައިވަނީ ރިސޯޓްތަކުގަ އެވެ. މިއީ ރާއްޖެ އައި ޓޫރިސްޓުންގެ 73.3 ޕަަަސެންޓެވެ.

ހިސާބުތައް ދައްކާ ގޮތުން މިހާތަނަށް އައި ޓޫރިސްޓުންގެ ތެރޭން 300,763 މީހުން ޗުއްޓީ ހޭދަކޮށްފައިވަނީ ގެސްޓްހައުސްތަކުގަ އެވެ. އަދި ހޮޓާތަކުގައި 36,519 ޓޫރިސްޓުން އަދި 28,354 މީހުން ޗުއްޓީ ހޭދަކޮށްފައިވަނީ ސަފާރީތަކުގަ އެވެ. 

ޓޫރިޒަމް ހިސާބުތައް ދައްކާ ގޮތުން އިއްޔެ ނިޔަލަށް ރާއްޖޭގެ ޓޫރިޒަމަށް ނުވަ ޕަސެންޓުގެ ކުރިއެރުމެއް ލިބިފައިވެ އެވެ. މިހާތަނަށް 1.3 މިލިއަނަށްވުރެ ގިނަ ޓޫރިސްޓުން އައިސްފައިވެ އެވެ. މިހާރު އެވްރެޖުކޮށް ރާއްޖެ އަށް ދުވާލެއްގެ މައްޗަށް 6,519 ޓޫރިސްޓުން އަންނަ ކަމަށް ދައްކަ އެވެ.