ޑޮލަރުގެ އާމްދަނީ 38 ޕަސެންޓް އިތުރު ވެއްޖެ

މީރާގެ ހިސާބުތައް ދައްކާ ގޮތުން މިދިޔަ މަހުގެ ނިޔަލަށް ޑޮލަރުން 880 މިލިއަން ޑޮލަރު ވަނީ ބަލައިގެންފަ އެވެ. ނަމަވެސް ކުރީ އަހަރު ލިބިފައިވަނީ 637 މިލިއަން ޑޮލަރެވެ.

ވީއައިއޭ ޓާމިނަލް ވަން އިން ޓޫރިސްޓުނަށް މަރުހަބާ ކިޔަނީ -- އެމްއޭސީއެލް

މި އަހަރުގެ މިހާތަނަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ޑޮލަރުން ބަލައިގަތް އާމްދަނީ 38 ޕަސެންޓް އިތުރު ވެއްޖެ އެވެ. 

މީރާގެ ހިސާބުތައް ދައްކާ ގޮތުން މިދިޔަ މަހުގެ ނިޔަލަށް ޑޮލަރުން  880 މިލިއަން ޑޮލަރު ވަނީ ބަލައިގެންފަ އެވެ. މިއީ މިދިޔަ އަހަރު ބަލައިގަތް 637 މިލިއަން ޑޮލަރާ އަޅާބަލާއިރު 38 ޕަސެންޓުގެ އިތުރުވުމެކެވެ. 

މި އަހަރުގެ މިހާތަނަށް ޓެކުހުގެ ގޮތުގައި 700 މިލިއަން ޑޮލަރު ބަލައިގެންފައިވެ އެވެ. ނަމަވެސް މިދިޔަ އަހަރު ބަލައިގެންފައިވަނީ 522 މިލިއަން ޑޮލަރެވެ. އަދި ޓެކްސް ނޫން ގޮތްގޮތުން މި އަހަރު 180 މިލިއަން ޑޮލަރު ބަލައިގެންފައިވާއިރު މިދިޔަ އަހަރު މި އަދަދު ހުރީ 115 މިލިއަން ޑޮލަރުގަ އެވެ. 

ޑޮލަރުގެ އާމްދަނީ މަތިވި ބައިތައް

  •  ޖީއެސްޓީ - 440 މިލިއަން ޑޮލަރު
  •  އިންކަމް ޓެކްސް - 108 މިލިއަން ޑޮލަރު
  •  ގްރީން ޓެކްސް - 83 މިލިއަން ޑޮލަރު
  •  އެއާޕޯޓް ޑިވްލޮޕްމަންޓް ފީ - 68 މިލިަން ޑޮލަރު
  •  ޑިޕާޗާ ޓެކްސް - 67 މިލިއަން ޑޮލަރު
  •  ޓޫރިޒަމް ބިމު ކުލި - 67 މިލިަން ޑޮލަރު
  •  ބިމު ކުލީގެ މުއްދަތު އިތުރުކޮށެން - 30 މިލިއަން ޑޮލަރު

މި އަހަރުގެ މިހާތަނަށް ޑޮލަރުން އެންމެ ބޮޑު އާމްދަނީއެއް ލިބިފައިވަނީ ޓޫރިޒަމް ޓެކުހުންނެވެ. މި ޓެކުހުން 440 މިލިއަން ޑޮލަރު ލިބިފައިވެ އެވެ. މިދިޔަ އަހަރު މި އަދަދު ހުރީ 389 މިލިއަން ޑޮލަރުގަ އެވެ. މީގެ އިތުރުން އިންކަމް ޓެކުހަށް މި އަހަރު 108 މިލިއަން ޑޮލަރު ލިބުނުއިރު މިދިޔަ އަހަރު މި އަދަދު ހުރީ 47 މިލިއަން ޑޮލަރުގަ އެވެ. 

މީރާގެ މައުލޫމާތުތައް ދައްކާ ގޮތުން ޖުލައިގެ ނިޔަލަށް ދައުލަތަށް ޖުމްލަ އާމްދަނީގެ ގޮތުގައި 20 ބިލިއަން ރުފިޔާ ވަނީ ލިބިފަ އެވެ. މިއީ ކުރީ އަހަރު ލިބުނު 17 ބިލިއަން ރުފިޔާއާ ބަލާއިރު އިތުރުވުމެކެވެ. މީގެ އިތުރުން ޖުލައި އެކަނި ވަކިން ބަލާނަމަ 3.39 ބިލިއަން ރުފިޔާގެ އާމްދަނީއެއް ލިބިފައިވެ އެވެ.މިއީ ކުރީ އަހަރު ލިބުނު 2,93 ބިލިއަން ރުފިޔާއާ އަޅާބަލާއިރު 15.4 ޕަސެންޓުގެ އިތުރުވުމެކެވެ. މި އިތުރުވުން އައިސްފައިވަނީ ކޯޕަރޭޓް އިންކަމް ޓެކުހާއި ޓޫރިޒަމް ޖީއެސްޓީ އަދި އެއާޕޯޓް ޓެކްސް ޖޫން މަހާ އަަޅާބަލާއިރު 15 ޕަސެންޓުގެ އިތުރުވުމެއް އައިސްފައިވުމުންނެވެ. މި އިތުރުވުން އައީ ޓޫރިޒަމް ރަނގަޅަޅުވުމުންނެވެ. މި އިތުރުވުމަކީ ކުރިން އަންދާޒާ ކުރި ވަރަށްވުރެ 12.8 ޕަސެންޓުގެ އާމްދަނީ އިތުރުވުމެކެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.