އެއާ އަރަބިއާގެ ދަތުރުތައް އާ ޓާމިނަލަށް ބަދަލުކޮށްފި
އެއާޕޯޓް ހިންގާ އެމްއޭސީއެލް އިން ވަނީ އާ ޓާމިނަލް ހުޅުވުމަށްފަހު ވަކި ތަރުތީބެއްގެ ދަށުން ހުރިހާ އެއާލައިނެއްގެ ދަތުރުތައް ޓާމިނަލް އެކަމަށް ބަދަލު ކުރަން ނިންމާފަ އެވެ.
މިނިވަން ދުވަހު ހުޅުވި އާ އިންޓަނޭޝަނަލް ޓާމިނަލް އިން ހިދުމަތް ހޯދަން ފެށި ފުރަތަމަ އިންޓަނޭޝަނަލް އެއާލައިން އަކަށް އެއާ އަރަބިއާ ވެއްޖެ އެވެ.
ވީއައިއޭގައި ޒަމާނީ ހިދުމަތްތަކާއެކު މިމަހު ހުޅުވި "ޓާމިނަލް ވަން" އިން ފުރަތަމަ ހިދުމަތް ދޭން ފަށާފައިވަނީ ގައުމީ އެއާލައިން މޯލްޑިވިއަން އިންނެވެ. މޯލްޑިވިއަންގެ އެއާބަސް އޭ330 އިން ވަނީ ބައިނަލްއަގުވާމީ ދަތުރުތަކަށް ފުރުމާއި ރާއްޖެ އަންނަން މި ޓާމިނަލް ބޭނުން ކުރަމުންނެވެ.
މޯލްޑިވިއަން އަށްފަހު ޓާމިނަލް ވަން އަށް ދަތުރުތައް ބަދަލުކުރި ފުރަތަމަ ބޭރުގެ އެއާލައިންއަކަށް މިއަދު ވެގެން ގޮސްފައިވަނީ ޔޫއޭއީގެ އެއާ އަރަބިއާ އެވެ. މިކަން ފާހަގަ ކުރަން ވީއައިއޭގައި މިއަދު ވަނީ ކުޑަ ރަސްމިއްޔާތެއްވެސް ބާއްވާފަ އެވެ.
އެއާޕޯޓް ހިންގާ އެމްއޭސީއެލް އިން ވަނީ އާ ޓާމިނަލް ހުޅުވުމަށްފަހު ވަކި ތަރުތީބެއްގެ ދަށުން ހުރިހާ އެއާލައިނެއްގެ ދަތުރުތައް ޓާމިނަލް އެކަމަށް ބަދަލު ކުރަން ނިންމާފަ އެވެ. ހުރިހާ ދަތުރުތައް ބަދަލު ކޮށް ނިންމަން ކަނޑައަޅާފައިވަނީ ސެޕްޓެމްބަރު މަހުގެ ނިޔަލަށެވެ.
އާ ޓާމިނަލްގައި ހިމެނޭ ބައިތައް
- 47 ޗެކިން ކައުންޓަރު
- ހަ ސެލްފް ސާވިސް ކައުންޓަރު
- 20 ޑިޕާޗާ އިމިގްރޭޝަން ކައުންޓަ
- އޭވިއޭޝަން ސެކިއުރިޓީގެ ޗެކްޕޯސްޓުތައް
- 28 އިމިގްރޭޝަން ކައުންޓަރު
- 12 ޕަސެންޖާ ބޯޑިން ގޭޓު (އެރައިވް 6، ޑިޕާޗާ 6)
- ހަ ބެގޭޒް ކްލެއިމް ބެލްޓު (އޯވަސައިޒް ލަގެޖް ބެލްޓާއެކު)
- ކަސްޓަމްސް ޗެކް ޕޯސްޓް
- ކެއިން ބުއިމުގެ ހާއްސަ ވަސީލަތްތައް
ކޮމެންޓް
Republic of Maldives