ޕްރިމިއަ ލީޖުގެ އާ ސީޒަންގައި ލިވަޕޫލާއެކު ރާއްޖެ ފެނުން ގިނަވާނެ

ލައިވް މެޗުތަކާއި ޑިޖިޓަލް ޗެނަލްތައް މެދުވެރިކޮށް ދުނިޔޭގެ އެކި ކަންކޮޅުތަކުން 600 މިލިއަން ބެލުންތެރިންނަށް ދިވެހިރާއްޖެ އިސްތިހާރުވެގެންދާނެ އެވެ.

ރާއްޖޭގެ އިސްތިހާރުތައް ލިވަޕޫލް ސްޓޭޑިއަމްގައި

ވިޒިޓް މޯލްޑިވްސް ކޯޕަރޭޝަން (ވީއެމްސީ) އިން ދުނިޔޭގެ އެންމެ މަޝްހޫރު ފުޓުބޯޅަ ކުލަބުތަކުގެ ތެރެއިން އެއް ކުލަބު ކަމަށްވާ ލިވަރޕޫލް އެފްސީއާއެކު ކުރިއަށްދާ ދުނިޔޭގެ ފެންވަރުގެ ކާމިޔާބު ޕާޓްނާޝިޕުގެ ދަށުން، އިނގިރޭސި ޕްރިމިއާ ލީގުގެ އާ މޫސުމަށް ތައްޔާރުވެއްޖެ އެވެ. 

މި ސީޒަނުގައި ރާއްޖޭގެ ބްރޭންޑް އަނެއްކާ ވެސް އެންފީލްޑް ސްޓޭޑިއަމްގައި ދިއްލާލާ – ދުނިޔޭގެ އެކި ކަންކޮޅުތަކުން މެޗުތައްބާލާ މިލިއަނަށްވުރެ ގިނަ މީހުންގެ ސަމާލުކަން ހޯދާނެ އެވެ. އެންފީލްޑްގައި ކުޅޭ ލިވަޕޫލްގެ އަންނަނިވި ހޯމްފިކްސްޗާ މެޗުތަކުގެ އެލްއީޑީ ބޯޑުތަކުގައި ވިޒިޓް މޯލްޑިވްސްގެ ބްރޭންޑިން ފެންނާނެ އެވެ.

ރާއްޖޭގެ އިސްތިހާރުތައް ފެންނާނެ މެޗުތައް

  •  15 އޮގަސްޓް – ބޯންމިތު
  •  30 އޮގަސްޓް – އާސެނަލް
  •  20 ސެޕްޓެމްބަރު – އެވަޓަން
  •  18 އޮކްޓޮބަރު – މެންޗެސްޓަރ ޔުނައިޓަޑް
  •  1 ނޮވެމްބަރު – އެސްޓަން ވިލާ
  •  22 ނޮވެމްބަރު – ނޮޓިންގްހަމް ފޮރަސްޓް
  •  3 ޑިސެމްބަރު – ސަންޑަލެންޑް
  •  13 ޑިސެމްބަރު – ބްރައިޓަން
  •  27 ޑިސެމްބަރު – ވުލްވްސް
  •  30 ޑިސެމްބަރު – ލީޑްސް ޔުނައިޓަޑް
  •  17 ޖަނަވަރީ – ބަރންލީ
  •  31 ޖަނަވަރީ – ނިއު ކާސަލް
  •  7 ފެބުރުވަރީ – މެންޗެސްޓަރ ސިޓީ
  •  28 ފެބުރުވަރީ – ވެސްޓް ހެމް
  •  14 މާރިޗު – ޓޮޓްނަމް ހޮޓްސްޕަރ
  •  11 އޭޕުރިލް – ފުލަމް
  •  25 އޭޕުރިލް – ކްރިސްޓަލް ޕެލަސް
  •  8 މެއި – ޗެލްސީ
  •  24 މެއި – ބްރެންފަރޑް

މި ޕްރީމިއަމް އެލްއީޑީގެ ޒަރިއްޔާ އިން އާ ސީޒަން އެކީމެ ވިޒިޓް މޯލްޑިވްސްގެ ބްރޭންޑިން ފާޅުކަން ބޮޑުކޮށް ދެމިހުންނާނެ އެވެ. އަދި ލައިވް މެޗުތަކާއި ޑިޖިޓަލް ޗެނަލްތައް މެދުވެރިކޮށް ދުނިޔޭގެ އެކި ކަންކޮޅުތަކުން 600 މިލިއަން ބެލުންތެރިންނަށް ދިވެހިރާއްޖެ އިސްތިހާރުވެގެންދާނެ އެވެ.

އާ ސީޒަނަށް ތައްޔާރުވުމުގެ ގޮތުން، ވިޒިޓް މޯލްޑިވްސްއިން ހޮންގ ކޮންގގައި ބޭއްވުނު ލިވަރޕޫލް އެފްސީގެ ޕްރީ-ސީޒަން ހަރަކާތްތަކުގައި ބައިވެރިވެ، އޭޝިއާގެ މާކެޓްތަކާއި ފޭނުންނާއި އިތުރަށް ގުޅުން ބަދަހިކުރިއެވެ. މީގެ އިތުރުން، ފާއިތުވި ހަފްތާގައި ލިވަރޕޫލް އެފްސީގެ ފޭން ޑޭޓާބޭސްއަށް ފޮނުވުނު އަމާޒުކުރެވިފައިވާ އީމެއިލަރއަކުން ވިޒިޓްމޯލްޑިވްސް ޑޮޓް ކޮމް އަށް ޒިޔާރަތްކުރި މީހުންގެ އަދަދު 400 ޕަސެންޓް އިތުރުވެގެންދިޔަ އެވެ. 

ރާއްޖެ އިތުރަށް ފެންނާނެ ބަދަލެއް

މި ކެމްޕެއިންގެ ދަށުން ވެބްސައިޓަށް ޒިޔާރަތްކުރި މީހުންނަށް ހާއްސަ ލޭންޑިން ޕޭޖެއް ފަރުމާކުރެވި ސިނާޢަތުގެ ޕާޓްނަރުންންނާއި ވީއެމްސީ މެމްބަރުންގެ ހާއްސަ ޕެކޭޖް ތަކެއް ހުޅުވާލެވުނެވެ. މި އަހަރުގެ މާރިޗު 13 ވަނަ ދުވަހު ދުވަސް ވެގެންދިޔައީ ވިޒިޓް މޯލްޑިވްސްގެ އެންމެ ބޮޑު އަދި އެންމެ ފުޅާ ދާއިރާއެއްގައި އަސަރުފޯރުވާނެ ގްލޯބަލް ޕާޓްނާޝިޕްގެ ފެށުމެވެ. މިއީ 2025-2028 ސީޒަންތަކުގައި ލިވަޕޫލް އެފްސީގެ ރަސްމީ ޓުއަރިސްޓް ޑެސްޓިނޭޝަން ޕާޓްނަގެ ގޮތުގައި ދިވެހިރާއްޖެ ހަމަޖެހުނު ދުވަހެވެ. މި ވަރުގަދަ ފިޔަވަޅަކީ ދުނިޔޭގެ އެންމެ މަޤުބޫލު ފުޓްބޯޅަ ލީގުގެ ޗެމްޕިއަން ކުލަބުގެ ވަފާތެރި 200 މިލިއަނަށްވުރެ ގިނަ ސަޕޯޓަރުންގެ ކުރިމަތީގައި ދިވެހިރާއްޖެ ސްޓްރެޓީޖިކްކޮށް ބެހެއްޓުމަށް ހުޅުވުނު މުހިއްމު ދޮރެކެވެ.

މި އިއުލާނު ވެސް ވެގެންދިޔައީ ހީވެސްނުކުރާވަރުގެ ފައިދާ ގެނައި އިއުލާނަކަށެވެ. ލިވަޕޫލް އެފްސީގެ ވަރުގަދަ ޕީއާރް އަދި ޑިޖިޓަލް ޗެނަލްތައް މެދުވެރިކޮށް އެންމެ 24 ގަޑިއިރުގެ ތެރޭގައި 400 މިލިއަނަށްވުރެ ގިނަ މީހުންނަށް ވާސިލްވި އެވެ. މިއީ ދިވެހިރާއްޖެ އަށް މިހާތަނަށް ލިބިފައިނުވާ ފެންވަރެއްގެ ގްލޯބަލް އެކްސްޕޯޝައެކެވެ.

މި ކެމްޕެއިންގެ ފުރަތަމަ ތިން މަސްދުވަހު އެކަނިވެސް، ވިޒިޓް މޯލްޑިވްސްއިން ކުރިއަށްގެންދިޔަ ތަފާތު، ހަލުވި، ކެމްޕޭންތަކާއި މުބާރާތްތަކުން، މުޅި ދުނިޔޭގެ ސަމާލުކަން ހޯދިއެވެ. ލިވަރޕޫލް އެފްސީގެ ބްރޭންޑް ގިނަ ހަރަކާތްތަކެއްގައި ބޭނުންކުރެވުނެވެ. ލަންޑަނުގެ އަންޑަރގްރައުންޑްގައި ބެހެއްޓުނު އިސްތިހާރުތަކުން ފެށިގެން، ދުބާއީގެ އަރަބިއަން ޓްރެވަލް މާކެޓާއި ކަޒަކިސްތާނު އިންޓަނޭޝަނަލް އެގްޒިބިޝަންގައި ބެހެއްޓުނު ދިވެހިރާއްޖެ-ލިވަރޕޫލް އެފްސީގެ އިސްތިހާރުތަކަށް ގިނަ ބައެއްގެ ސަމާލުކަމެއް ލިބުނެވެ.

މި ބްރޭންޑިން ލަންޑަނުގެ ދެ ބުރި ބަސްތަކާއި ދުބާއީގެ 200 އަށްވުރެ ގިނަ ޓެކްސީގައި އަދި އޭޓީއެމް ދުބާއީގެ މައި ދޮރާށީގައިވެސް ހަރުކުރެވުނެވެ. މިދޮރާށީ ޒީނަތްކުރެވިފައިވަނީ ލިވަރޕޫލް އެފްސީގެ މަޝްހޫރު ރަތް ކުލައާއި ދިވެހިރާއްޖޭގެ ހިތްގައިމު ނޫކުލައިގެ ފަރުމާތަކުންނެވެ. މައި އެލްއެފްސީ އެޕްގެ ބެނަރތަކާއި ވެބް ޕްލޭސްމަންޓްތަކުގައި ރެކޯޑު އަދަދަކަށް އެންގޭޖްމަންޓް ލިބި، މިހާތަނަށް ނުދެކޭވަރުގެ ޝައުޤުވެރިކަމެއް އުފެދުނެވެ. މޯ ޞަލާޙް ޕްރިމިއަރ ލީގުގެ ރެކޯޑު ބިންދާލި ވަގުތު، ވިޒިޓް މޯލްޑިވްސްއިން އެންފީލްޑް ސްޓޭޑިއަމްގެ އެލްއީޑީ ބޯޑުތައް ދިއްލާލިއެވެ. މި ތާރީޚީ ވަގުތުކޮޅު ލައިވްކޮށް އަދި އޮންލައިންކޮށް އެތައް މިލިއަން މީހުން ބަލަމުން ދިޔައެވެ.

ލިވަޕޫލް ސަޕޯޓަރުން ފޭން ކްލަބް ހަރަކާތްތަކާއި ލައިވް ޓަޗްޕޮއިންޓްތައް މެދުވެރިކޮށް ބައިވެރިކުރެވުނެވެ. މީގެ ތެރޭގައި ވިލާ ނޯޓިކާގައި ޗުއްޓީއެއް ހޭދަކުރުމުގެ ފުރުސަތުލިބިދޭ ގުރުއަތުލުމެއްވެސް ހިމެނެއެވެ. މި ގުރުއަތުލުމުގައި 20،000 އަށްވުރެ ގިނަ މީހުން ބައިވެރިވިއެވެ. އެންފީލްޑް ސްޓޭޑިއަމްގެ އެތެރޭގައި ޕްރީމިއަމް އެލްއީޑީ ބެނަރތައް މެދުވެރިކޮށް، ކޮންމެ ހޯމް މެޗެއްގައިވެސް، މުޅި ސީޒަނަށް ދެމިގެންދާނެހެން ދިވެހިރާއްޖެ އިސްތިހާރުވެގެންދާނެއެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.