އީޕީއޭ އިން ދިއްފުށީ ސްޓޯން ހޮޓެލް ޖޫރިމަނާކޮށްފި
އީޕީއޭއިން ކ. ދިއްފުށީގައި ސްޓޯން ހޮޓެލްސް ވެރިފަރާތް ޖޫރިމަނާކޮށްފައިވަނީ 20,000 ރުފިޔާއިންނެވެ.
މަޝްރޫއު ފެށުމުގެ ކުރިން ތިމާވެއްޓަށް އަސަރުކުރާ މިންވަރު ބަލަން، ހަދަން ޖެހޭ އީއައިއޭ ރިޕޯޓް ތައްޔާރުކޮށްފައި ނުވާތީ ކ. ދިއްފުށީގައި ހިންގާ މަޝްހޫރު ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑް ޖޫރިމަނާކޮށްފަ އެވެ.
ވެލިގާ ކުންފުނިން ދިއްފުށީގައި ހިންގާ ސްޓޯން ހޮޓެލްސް ޖޫރިމަނާކޮށް އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ) އިން ނެރުނު ބަޔާނެއްގައި ބުނީ، އެތަން އިމާރާތްކުރާ މަޝްރޫއުގެ މަސައްކަތްތައް އެ އެޖެންސީގެ ހުއްދަ ނެތި ކުރިޔަށް ގެންގޮސްފައިވާކަމަށް އެ މަޝްރޫއާ ގުޅޭ ތިމާވެއްޓަށް އަސަރުފޯރާނެ މިންވަރު ބަޔާންކުރާ ރިޕޯޓުގައި ބަޔާންކޮށްފައިވާ ކަމަށެވެ.
އީޕީއޭ އިން ބުނީ އިމާރާތްކުރުމުގެ މަސައްކަތް އެ އެޖެންސީގެ ހުއްދަ ނެތި ކުރިޔަށް ގެންގޮސްފައިވާ ކަމަށް ސްޓޯން ހޮޓެލްސް އިން އިއުތިރާފުވެފައިވާ ކަމަށެވެ. އެހެންކަމުން ސްޓޯން ހޮޓެލް ވަނީ ޖޫރިމަނާކޮށްފަ އެވެ.
ޖޫރިމަނާ ކުރި އަދަދު - މި މައްސަލަ ބެލުމަށްފަހު ތިމާވެއްޓަށް އަސަރު ފޯރާނެ މިންވަރު ބަޔާންކުރާ ރިޕޯޓް ހެދުމާބެހޭ ގަވާއިދުގެ ދަށުން އެ ހޮޓެލް ޖޫރިމަނާކޮށްފައި ވަނީ 20،000 ރުފިޔާއިންނެވެ.
ކޮމެންޓް
Republic of Maldives