ހުރިހާ ނިޒާމުތަކެއް ގުޅާލަން ގައުމީ ކިއުއާރު ކޯޑެއް ތައާރަފު ކުރަނީ
މަރުކަޒީ ބޭންކް އިން ދަނީ ގައުމީ ޕޭމަންޓް ވިއުގަ ފަވަރައާއެކު ލިންކް ވެގެން ހިދުމަތް ދެވޭނެ ނޭޝަނަލް ކިއުއާރު ކޯޑެއް ތައާރަފު ކުރުމުގެ ގޮތުން އެކަމަށް ބޭނުންވާ ގަވައިދާއި ގާނޫނުތައް ހެދުމުގެ މަސައްކަތް ކުރަމުންނެވެ.
ރާއްޖޭގައި އޮންލައިންކޮށް ފައިސާ ދައްކަން ބޭނުންކުރާ އަމިއްލަ ހުރިހާ ނިޒާމުތަކަށް ހިދުމަތް ދެވޭ ފަދަ ނޭޝަަނަލް ކިއުއާރު ކޯޑެއް ތައާރަފު ކުރުމުގެ މަސައްކަތް އެމްއެމްއޭއިން ފަށައިފި އެވެ.
މަރުކަޒީ ބޭންކް އިން ދަނީ ގައުމީ ޕޭމަންޓް ވިއުގަ ފަވަރައާއެކު ލިންކް ވެގެން ހިދުމަތް ދެވޭނެ ނޭޝަނަލް ކިއުއާރު ކޯޑެއް ތައާރަފު ކުރުމުގެ ގޮތުން އެކަމަށް ބޭނުންވާ ގަވައިދާއި ގާނޫނުތައް ހެދުމުގެ މަސައްކަތް ކުރަމުންނެވެ. މި ނިޒާމު ގާއިމް ކުރުމާއެކު ލިބޭނެ އެންމެ ބޮޑު ފަސޭހަ އަކީ މިހާރު ޕީއޯއެސް ނިޒާމުން ހަމައެކަނި ފައިސާ ދެއްކޭނެ ގޮތް ހުރުމުން ވިޔަފާރިތަކަށް ލިބެމުންދާ ގެއްލުމުން ސަލާމަތްވުމާއި އާއްމުންނަށް ފަސޭހައިން ފައިސާ ދެއްކޭނެ ގޮތެއްވުމެވެ.
އެމްއެމްއޭގެ އޮފިޝަލަކު ވިދާޅުވި ގޮތުގައި މި ކިއުއާރު ކޯޑާއެކު މާރުކޭޓް ގޮޅިތަކާއި މިނޫންވެސް ތަންތަނުގައި ކިއުއާރު ކޯޑް ސްކޭންކޮށްގެން ފައިސާ ދެއްކޭނެ އެވެ. މީގެ އިތުރުން އިންޑިއާއަށްދާ ދިވެހިންނަށް ވެސް ކިއުއާރް ކޯޑު ސްކޭން ކޮށްގެން ދިވެހި ރުފިޔާއިން ފައިސާ ދެއްކޭނެ އިންތިޒާމު ހަމަޖައްސަން ދަނީ މަސައްކަތް ކުރަމުންނެވެ. މި މަސައްކަތް ކުރަނީ އިންޑިއާގެ ގައުމީ ޕޭމަންޓް ނިޒާމު ޔޫޕީއައިއާ ގުޅިގެންނެވެ.
މި ނިޒާމު ތައާރަފު ކުރުމާއެކު އަމިއްލަ ފަރާތްތަކުން ގެންގުޅޭ ޕޭމަންޓް ވަސީލަތްތައް ވެސް މި ކިއުއާރު ކޯޑު ބޭނުން ކޮށްގެން ހިދުމަތް ދެވޭނެ އެވެ.
އެމްއެމްއޭއިން ވަނީ މި އަމާޒަށް ވަސިލްވުމުގެ ގޮތުން މި ހިދުމަތަށް ހާއްސަކޮށް، ރާއްޖޭގެ ބޭންކްތަކާ ގުޅިގެން ކުންފުންޏެއް އުފެއްދުމުގެ މަސައްކަތް ކުރަމުނެވެ. މި އަމާޒަށް ވާސިލްވާން ގާނޫނީ ގޮތުން ގެންނަ އިސްލާހު ގެންނަން މިހާރު ވަނީ މަޖިލީހަށް ހުށަހަޅާފަ އެވެ.
ކޮމެންޓް
Republic of Maldives