އެއް އަަހަރުތެރޭ ރާއްޖެއަށް 108 އިންވެސްޓްމަންޓް ގެނެވިއްޖެ: ސައީދު

މިދިޔަ އެއް އަހަރު ތެރޭ ރާއްޖެއަށް 108 ފޮރިން ޑައިރެކްޓް އިންވެސްޓްމަންޓް (އެފްޑީއައި) އައިސްފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ. 

ޕީއެސްއެމްގެ ޕްރޮގްރާމެއްގައި ވާހަކަދައްކަވަމުން މިނިސްޓަރު ސައީދު ވިދާޅުވި ގޮތުގައި ރާއްޖޭގައި ބޭރުގެ އިންވެސްޓުމެންޓުތަކަށް ފަހި ފުރުސަތުތަކެއް ހޯދައި ދިނުމަށް ސަރުކާރުން ދަނީ ގިނަ މަސައްކަތްތަކެއް ކުރަމުން ގެންދެ އެވެ. މިގޮތުން ގިނަ އިންވެސްޓްމަންޓް ފޯރަމް ތަކެއް ބާއްވަމުން ގެންދާކަން ކަމަށާ މި ފޯރަމްތަކުގެ ނަތީޖާ ވެސް ފެންނަމުންދާ ކަމަށެވެ. މިގޮތުން ސައީދު ފާހަގަ ކުރެއްވި ގޮތުގައި މިދިޔަ އަހަރެއްގެ ތެރޭގައި 108 އިންވެސްޓްމަންޓެއް ރާއްޖެ އައިސްފައިވާ ކަމަށެވެ. 

މި ޕްރޮގްރާމުގައި މިނިސްޓަރު ސައީދު ވަނީ 2007 ވަނަ އަހަރުން ފެށިގެން މިހާތަނަށް ރާއްޖެ އައި އެފްޑީއައިގެ އަދަދު ވިދާޅުވެއް ދެއްވާފަ އެވެ. 

މި ސަރުކާރުން އެފްޑީއައި އިތުރު ކުރަން މިހާތަނަށް ހަ ގައުމެއްގައި އިންވެސްޓްމަންޓް ފޯރަމް ބާއްވައިފި އެވެ. މީގެ އިތުރުން ރާއްޖޭގައި އިންވެސްޓުކުރުމަށް އިންވެސްޓަރުންނަށް ފަހި މާހައުލެއް ގާއިމްކުރުމަށް ފޮރިން އިންވެސްޓްމެންޓުގެ ޒަމާނީ އައު ޤާނޫނެއް ވަނީ ފާސްކޮށްފަ އެވެ.