މުޅި މާލެ ސަރަހައްދުން ކަރަންޓު ކެނޑުނު ތަހުގީގަށް މައުލޫމާތު ފުލުހުން އެއްކޮށްފި
މުޅި މާލެއާއި ހުޅުމާލެ އަދި ވެލާނާ އިންޓަނޭޝަނަލް އެއާޕޯޓުން ވެސް ކަރަންޓު ކެނޑި، ކަރަންޓު ދެވިފައިވަނީ ގާތްގަނޑަކަށް ފަސް ގަޑިއިރު ފަހުންނެވެ.
މާލެ، ހުޅުމާލެ އަދި ހުޅުލެ ހިމެނޭހެން މިދިޔަ ޖޫން މަހުގެ އެއް ވަނަ ދުވަހު ކަރަންޓު ކެނޑުނު މައްސަލައިގެ ތަހުގީގަށް ބޭނުންވާ މައުލޫމާތު އެއްކޮށްފައިވާ ކަމަށް ފުލުހުން ބުނެފި އެވެ.
މުޅި މާލެއާއި ހުޅުމާލެ އަދި ވެލާނާ އިންޓަނޭޝަނަލް އެއާޕޯޓުން ވެސް ކަރަންޓު ކެނޑި، ކަރަންޓު ދެވިފައިވަނީ ގާތްގަނޑަކަށް ފަސް ގަޑިއިރު ފަހުންނެވެ.
ކަރަންޓު ދިޔަ މައްސަލަ ސީރިއަސް މައްސަލައެއްގެ ގޮތުގައި ބެލުމަށް ކަމާބެހޭ ފަރާތްތަކަށް ރައީސް ޑރ. މުހައްމަދު މުއިއްޒު ވަނީ ހަމަ ދުވަހު ވަނީ އަންގަވައިފަ އެވެ.
އެކަމާ ގުޅިގެން ފުލުހުން މިއަދު މީޑިޔާތަކަށް ފޮނުވި މެސެޖެއްގައި ބުނީ، ޖޫން 1 ވަނަ ދުވަހު ގްރޭޓާ މާލެ ސަރަހައްދުން ކަރަންޓް ކެނޑުނު މައްސަލައާ ގުޅިގެން ފުލުހުން ކުރަމުންދާ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކުރެވިފައިވާ ކަމަށެވެ.
"އަދި މި މައުލޫމާތަށް ބަލައި ފުލުހުން މި މައްސަލަދަނީ އިތުރަށް ތަހުގީގު ކުރަމުން. ތަހުގީގު އެއްކޮށް ނިމުމުން ތަހުގީގުގައި ފާހަގަކުރެވުނު ކަންކަން ހިއްސާކޮށްދޭނެ ވާހަކަ ދަންނަވަން،" ފުލުހުން ބުންޏެވެ.
ފުލުހުން މިއަދު މިހެން ބުނިއިރު، މިއަދު ހެނދުނު ވެސް މުޅި މާލެ ސަރަހައްދުން ވަނީ ކަރަންޓު ކެނޑިފަ އެވެ. މިއަދު ކަރަންޓުގެ ހިދުމަތް ދެވިފައިވަނީ ދެ ގަޑިއިރެއްހާ އިރު ފަހުންނެވެ.
ކޮމެންޓް
Republic of Maldives