އުމްރާވެރިން ގޮވައިގެން ރާއްޖެ އަންނަން އޮތް ފްލައިޓަށް ދިމާވި މައްސަލަ ހައްލުކޮށްފި

ހައްޖު ކޯޕަރޭޝަންގެ އެމްޑީ މުހައްމަދު ޝަކީލު ވިދާޅުވީ، ބޯޓަށް ދިމާވި ޓެކްނިކަލް މައްސަލަ ހައްލުކޮށް، މިއަދު ސައުދީ ގަޑިން 18:30 ގައި ފުރުމަށް މިހާރު ތައްޔާރުވެފައިވާ ކަމަށެވެ.

ބައެއް އުމްރާވެރިން އެނބުރި މާލެ އައުމަށް މިއަދު ހަމަޖެހިފައި އޮތް މޯލްޑިވިއަން އެއާލައިންގެ ފްލައިޓަށް ދިމާވި ޓެކްނިކަލް މައްސަލަ ހައްލުކޮށް، އުމްރާވެރިން ގޮވައިގެން ފުރަން ތައްޔާރުވެފައިވާކަމަށް ހައްޖު ކޯޕަރޭޝަނުން ބުނެފި އެވެ.

މޯލްޑިވިއަންގެ އެންމެ ބޮޑު ބޯޓު، އޭ330-200 ޑިލޭވީ، ސައުދީ ގަޑިން މިއަދު މެންދުރު ފަހު 3:45 ގައި ފުރާ ގޮތަށް ހަމަޖައްސާފައި އޮތް ގައުމީ އެއާލައިން މޯލްޑިވިއަންގެ ފްލައިޓް ކިއު2 6360 އެވެ. 

އެނގިފައިވާ ގޮތުގައި އެ ފްލައިޓު ޑިލޭވީ، ބޯޓުގެ އިންޖީނަށް ދިމާވި ޓެކްނިކަލް މައްސަލައަކާ ގުޅިގެންނެވެ.

ހައްޖު ކޯޕަރޭޝަންގެ އެމްޑީ މުހައްމަދު ޝަކީލު ވިދާޅުވީ، ބޯޓަށް ދިމާވި ޓެކްނިކަލް މައްސަލަ ހައްލުކޮށް، މިއަދު ސައުދީ ގަޑިން 18:30 ގައި ފުރުމަށް މިހާރު ތައްޔާރުވެފައިވާ ކަމަށެވެ.

"ޖުމްލަ ގޮތެއްގައި ހުރިހާ އުމްރާވެރިންގެ ހާލުވެސް ރަނގަޅު،" ޝަކީލް ވިދާޅުވި އެވެ.

މި ސްކޫލް ބަންދުގައި ހައްޖު ކޯޕަރޭޝަނާއި އަމިއްލަ ގްރޫޕެއްގެ ފަރާތުން އުމްރާއަށް ދިޔަ 750 އަށް ވުރެ ގިނަ މީހުންގެ ވައިގެ ދަތުރުފަތުރުގެ އިންތިޒާމު ހަމަޖައްސާފައި ވަނީ މޯލްޑިވިއަން މެދުވެރިކޮށެވެ. އުމްރާ ވެރިން ގެންދިއުމަށް އެ އެއާލައިނުން ވަނީ މާލެއިން ޖިއްދާއަށް ޑައިރެކްޓް ފްލައިޓުތައް ބާއްވައިފަ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.