ސަރުކާރުން ގާނޫނުއަސާސީގެ އަސާސީ އޮނިގަނޑު ރޫޅާލައިފި: ފައްޔާޒް
މިހާރު އަމަލު ކުރަމުން އަންނަ ފެހި ގާނޫނުއަސާސީ ތަސްދީގުކޮށް އަމަލު ކުރަން ފެށިތާ މިއަދަށް 17 އަހަރު ފުރޭތީ އެކަމާ ގުޅިގެން ފައްޔާޒް ވަނީ އެކްސްގައި ޕޯސްޓެއް ކުރައްވާފަ އެވެ.
ސަރުކާރުން ގާނޫނުއަސާސީގެ އަސާސީ ރޫޅާލައި، ކުޅޭކުޅޭ އެއްޗަކަށް ހަދައިފި ކަމަށް ކުރީގެ އިކޮނޮމިކް މިނިސްޓަރު އަދި އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.
މިހާރު އަމަލު ކުރަމުން އަންނަ ފެހި ގާނޫނުއަސާސީ ތަސްދީގުކޮށް އަމަލު ކުރަން ފެށިތާ މިއަދަށް 17 އަހަރު ފުރޭތީ އެކަމާ ގުޅިގެން ފައްޔާޒް ވަނީ އެކްސްގައި ޕޯސްޓެއް ކުރައްވާފަ އެވެ.
އޭނާ ކުރެއްވި ޕޯސްޓެއްގައި ވިދާޅުވީ، ލާމަރުކަޒީ އުސޫލުން ރާއްޖޭގެ ރަށްތައް ހިންގުމަކީ ގާނޫނުއަސާސީ ލާޒިމުކުރާކަމަކަށްވާއިރު، ކައުންސިލްތަކުގެ ބާރު ކަނޑުވާލުމަކީ ގާނޫނުއަސާސީގެ އަށްވަނަ ބާބުގެ ބާރު ކަނޑުވާލުން ކަމަށެވެ.
"ފަނޑިޔާރު ގޭގެ ބާރު ކަނޑުވާލައިފި. ދައުލަތުގެ މާލިއްޔަތު ހިންގުމަށް ގާނޫނުއަސާސީގައި ކަނޑައަޅާފައިވާ އުސޫލުތަކާ ހިލާފުވެއްޖެ. ގާނޫނުއަސާސީއަކީ ކުޅޭކުޅޭ އެއްޗަކަށް ހައްދަވައިފި،" ފައްޔާޒް ވިދާޅުވި އެވެ.
އޭނާ ވިދާޅުވީ ދިވެހި ރައްޔިތުންގެ ބުރަ މަސައްކަތުން ހޯދި ގާނޫނުއަސާސީގެ ހަމަތައް ނެގެހެއްޓުމަށް ލިބޭ ފަހު ފުރުސަތުގެ ބޭނުން ހިފަން ޖެހޭ ކަމަށެވެ. އެކަން ކުރެވޭނީ ކުރިއަށް އޮތް ލޯކަލް ކައުންސިލް އިންތިހާބުގައި ކަމަށް ވެސް އޭނާ ފާހަގަކުރެއްވި އެވެ.
ފައްޔާޒް މިހެން ވިދާޅުވެފައި ވަނީ ގިނަ ކައުންސިލްތަކަކާއި އެމްޑީޕީން ވެސް ކަންބޮޑުވުން ފާޅުކުރަމުން ދަނިކޮށް، ލޯކަލް ކައުންސިލްތަކުގެ މާލީ ބާރުވެރިކަން ވަރަށް ބޮޑަށް ހަނިވާ ގޮތަށް ލާމަރުކަޒީ ގާނޫނު އިސްލާހު ކުރަން ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހެޅި ބިލު ފާސްކޮށްފައި ވަނިކޮށެވެ.
މި ބިލާމެދު އެމްޑީޕީން ދަނީ ބޮޑެތި ކަންބޮޑުވުންތަކެއް ފާޅުކުރަމުންނެވެ. ބިލު ތަސްދީގު ނުކުރުމަށް ވެސް އެޕާޓީން ވަނީ ގޮވާލައިފަ އެވެ.
ކޮމެންޓް
Republic of Maldives