އެންމެ ބޮޑު ކަންބޮޑުވުމަކީ ރާއްޖެއަށް ދަރަނި އަދާނުކުރެވިދާނެތީ: ނަޝީދު

ރައީސް ނަޝީދު ވިދާޅުވި ގޮތުގައި ދައުލަތުގެ އެކި ކަންކަމުގައި އެމަނިކުފާނު ދަނީ މަސައްކަތް ކުރައްވަމުންނެވެ. ހާއްސަކޮށް ގައުމީ ކަންކަމުގައި އުޅުއްވާ ކަމަށް ވިދާޅުވި އެވެ.

ރައީސް މުހައްމަދު ނަޝީދު

ދިވެހި ދައުލަތުގެ މަސައްކަތް މިވަގުތުވެސް ކުރަމުންދާ ކަމަށާ ހާއްސަކޮށް ގައުމީ މަސައްކަތް ކުރައްވަމުން ގެންދަވާ ކަމަށާ، މިވަގުތު އެންމެ ބޮޑު ކަންބޮޑުވުމަކީ ރާއްޖޭގެ ދަރަނި އަދާނުކުރެވިދާނެކަމުގެ ކަންބޮޑުވުން ކަމަށ ރައީސް މުހައްމަދު ނަޝީދު ވިދާޅުވެއްޖެ އެވެ. 

ޓޫރިޒަމް ސިނާއަތުގެ ވެރިންނާއި ވިޔަފާރިވެރިން ތިއްބަވާ ގްރޫޕެއްގައި މީހަކު ކުރި ސުވާލެއްގެ ޖަވާބުގައި ދާދިފަހުން އެމްޑީޕީއާއެކު މަސައްކަތް ކުރައްވަން ނުކުމެ ހުންނެވި އެމްޑީޕީގެ ފައުންޑަރު ރައީސް ނަޝީދު ވިދާޅުވީ އެ މަނިކުފާނުގެ އެންމެ ބޮޑު ކަންބޮޑުވުމަކީ ރާއްޖޭގެ ދަރަނި ނުދެއްކިދާނެކަމުގެ ކަންބޮޑުވުމެވެ. 

އޭގެފަހުން ރައީސް ނަޝީދު ވިދާޅުވީ 2026 ވަނަ އަހަރު ދައްކަން ހުރި ދަރަނި ދެއްކޭނެ ގޮތެއް އެ މަނިކުފާނަށް ފެނިވަޑައި ނުގަންނަވާ ކަމަށެވެ. 

"އަޅުގަނޑުމެންނަށް ޖެހޭނީ ދަރަނި ރީސްޓްރަކްޗާ ކުރަން ނުވަތަ ރީފައިނޭންސް ކުރަން. ރީ ފައިނޭންސިން އަށް އަޅުގަނޑުމެންނަށް އެހީތެރިވެދޭނެ އެހެން ޤައުމެއް ބޭނުންވޭ. ޗައިނާ އާއި އިންޑިއާ އިން އަބަދު ވެސް ފަސްޖެހެނީ ރީ ފައިނޭސްއަށް. ސަބަބަކީ އެމީހުން އެހެން މީހުންނަށް ދަރަނި ދައްކަން ޖެހުން،" ނަޝީދު ވިދާޅުވި އެވެ. 

ރައީސް ނަޝީދު ވިދާޅުވި ގޮތުގައި އެމަނިކުފާނަށް އެނގިވަޑައިގެންފައިވާ ގޮތުގައި ސަރުކާރުން ގްރީން ފައިނޭންސިން އަށް މަސައްކަތް ކުރިކަމަށާ ނަމަވެސް އެމެރިކަން ޑިވްލޮޕްމަންޓް ފައިނޭންސިން އިސްޓިޓިއުޓްއިން (ޔޫއެސް ޑީއެފްސީ) ގެ މަސައްކަތް ރައީސް ޓްރަމްޕް ހުއްޓުވާފައިވާ ކަމަށެވެ. ނަމަވެސް މީގެ އެއްވެސް ކަމަކީ ރާއްޖެ އަށް ނުކުރެވޭނެ ކަމެއް ނޫން ކަމަށް ރައީސް ނަޝީދު ވިދާޅުވި އެވެ. 

"ސީއެފްސީ [ކްލައިމެޓް ވެލިއުވަބަލް ފައިނޭންސިން ފޯރަމް] އިން ރާއްޖެއަށް ޕްރޮޕޯސަލްއެއް ދިން. އެކަމު ރާއްޖެއިން އެކަން ބޭނުން ނުވީ،" ނަޝީދު ވިދާޅުވި އެވެ. 

ރާއްޖޭން އަންނަ އަހަރު އެއް ބިލިއަން ޑޮލަރުގެ ދަރަނި ދައްކަން ޖެހެ އެވެ. އެކަމަށް ފުރުސަތު ފަހި ކުރުމުގެ ގޮތުން ސަރުކާރުން ދަނީ މަސައްކަތް ކުރަމުންނެވެ. މިގޮތުން ރިޒާވްގައި ބުންވަރު ޖައްސަން ކުރި މަސައްކަތުން މިހާރު ރާއްޖޭގެ ރިޒާވް ހުރީ އެހެން ދުވަސްތަކަށްވުރެ އިތުރުވެފަ އެވެ. އަދި ދަރަނި ދައްކަން ޕްލޭންތަކެއް އެބަހުރި ކަމަށް ސަރުކާރުން ކުރިން ބުނެފައިވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.