އުއްތަމަ ފަނޑިޔާރަކަށް ޣަނީ އައްޔަނުކުރަން ލަފާދޭން ޖޭއެސްސީން ނިންމައިފި

ތިން ބޭފުޅުންނާ މިއަދު އިންޓަވިއުކޮށް، ޖޭއެސްސީން ނަންތައް ތަރުތީބު ކުރި ލިސްޓުގެ އެންމެ ކުރީގައި އޮތީ ޣަނީގެ ނަމެވެ. އެނގިފައިވާ ގޮތުގައި ދެވަނައަށް އަބްދުﷲ ގާޒީގެ ނަން އޮތްއިރު، ޝުޖާއުގެ ނަން އޮތީ ތިންވަނައިގަ އެވެ.

ޓެކްސް އެޕީލް ޓްރައިބިއުނަލްގެ ރައީސް އަދި ހައި ކޯޓުގެ ކުރީގެ ފަނޑިޔާރު އަބްދުލްޣަނީ މުހައްމަދު --

އުއްތަމަ ފަނޑިޔާރުގެ މަގާމަށް ޓެކްސް އެޕީލް ޓްރައިބިއުނަލްގެ ރައީސް އަދި ހައި ކޯޓުގެ ކުރީގެ ފަނޑިޔާރު އަބްދުލްޣަނީ މުހައްމަދު އައްޔަނު ކުރުމަށް ރައީސް ޑރ. މުހައްމަދު މުއިއްޒަށް ލަފާއަރުވަން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.

ރާއްޖޭގެ އުއްތަމަ ފަނޑިޔާރުގެ މަގާމުން ހުސްވީ، އެމަގާމުގައި ހުންނެވި މުއުތަސިމް އަދުނާން ޝަރަފުވެރިކަމާއެކު މިދިޔަ މަހުގެ 21 ވަނަ ދުވަހު ރިޓަޔާ ކުރެއްވުމުންނެވެ.

އެ މަގާމު ހުސްވުމާއެކު މަގާމަށް ކުރިމަތިލާން ހުޅުވައިލި ފުރުސަތުގައި ޣަނީގެ އިތުރުން ކުރިމަތިލެއްވީ ފެމިލީ ކޯޓުގެ ގާޒީ އަބްދުالله މުހައްމަދު (އަބްދުالله ގާޒީ) އާއި ހައިކޯޓުގެ ކުރީގެ އިސް ފަނޑިޔާރު ޝުޖާއު އުސްމާނެވެ.

ތިން ބޭފުޅުންނާ މިއަދު އިންޓަވިއުކޮށް، ޖޭއެސްސީން ނަންތައް ތަރުތީބު ކުރި ލިސްޓުގެ އެންމެ ކުރީގައި އޮތީ ޣަނީގެ ނަމެވެ. އެނގިފައިވާ ގޮތުގައި ދެވަނައަށް އަބްދުﷲ ގާޒީގެ ނަން އޮތްއިރު، ޝުޖާއުގެ ނަން އޮތީ ތިންވަނައިގަ އެވެ.

ޝުޖާއު އާއި ޣަނީ ވަނީ ސުޕްރީމް ކޯޓުގެ ބެންޗުން ދާދި ފަހުން ހުސްވި ދެ މަގާމަށް ވެސް ކުރިމަތިލައްވާފަ އެވެ. ނަމަވެސް އެ ދެ މަގާމަށް އައްޔަނު ކޮށްފައި ވަނީ ހައިކޯޓުގެ ފަނޑިޔާރު މުހައްމަދު ސަލީމާއި އެ ކޯޓުގެ ކުރީގެ ފަނޑިޔާރު އަބްދުالله ހަމީދެވެ.

އުއްތަމަ ފަނޑިޔާރުގެ މާގާމަށް ބޭފުޅަކު އައްޔަން ކުރާނީ ޖޭއެސްސީގެ ލަފާގެ މަތިން ރައްޔިތުންގެ މަޖިލީހަށް ރައީސް ފޮނުއްވާ ނަންފުޅެއް މަޖިލީހުން ފާސްކޮށްގެންނެވެ. މަޖިލީހަށް ނަންތައް ފޮނުއްވާއިރު، ނަންތައް ތަރުތީބު ކުރައްވާނީ އެމަނިކުފާނު އިސްކަން ދެއްވާ ތަރުތީބުންނެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.