ރައީސްއަށް މަރުގެ އިންޒާރު ދިން މީހާ ހައްޔަރު ކޮށްފި
މި މައްސަލައާ ގުޅިގެން މަސީހު ހައްޔަރު ކުރުމަށްފަހު ފުލުހުން ވަނީ އޭނާގެ ފޯނު ވެސް ހިފަހައްޓައިފަ އެވެ.
ސޯޝަލް މީޑިއާގައި ރައީސް ޑރ. މުހައްމަދު މުއިއްޒަށް މަރުގެ އިންޒާރު ދިން މީހާ މިރޭ ހައްޔަރު ކޮށްފި އެވެ.
މި މައްސަލައިގައި މިރޭ ކޯޓު އަމުރެއްގެ ދަށުން ހައްޔަރު ކޮށްފައި ވަނީ އުމުރުން 25 އަހަރުގެ ތ. ތިމަރަފުށި، މަލަސް، މަސީހު މޫސާ އެވެ.
ރައީސް އަށް މަރުގެ އިންޒާރު ދީފައިވަނީ ރާއްޖެއަށް މަސްތުވާތަކެތި އެތެރެކޮށް، އެތަކެތީގެ ވިޔަފާރި ކުރާ މީހުންނަށް މަރުގެ އަދަބު ހިމެނޭހެން ބޮޑެތި އަދަބުތައް ކަނޑައެޅުމަށް މަސްތުވާތަކެއްޗާ ބެހޭ ބިލު ދިރާސާ ކުރުމަށް ރައީސް އެންގެވި ހަބަރެއް ފޭސްބުކްގައި ޝެއާކުރި މީހެކެވެ.
އޭނާ އެ ހަބަރު ޝެއާ ކުރުމަށްފަހު ލިޔެފައި ވަނީ އެންމެ ފުރަތަމަ މަރާލަން ޖެހެނީ ރައީސް ކަމަށެވެ. އެޔާއެކު ފުލުހުން ވަނީ މައްސަލަ ބަލަން ފަށައިފަ އެވެ.
މި މައްސަލައާ ގުޅިގެން މަސީހު ހައްޔަރު ކުރުމަށްފަހު ފުލުހުން ވަނީ އޭނާގެ ފޯނު ވެސް ހިފަހައްޓައިފަ އެވެ.
ކޮމެންޓް
Republic of Maldives