އިންޑިއާ ކުންފުންޏެއްގެ 1،000 މުވައްޒަފުން ރާއްޖޭގައި މައިސް ޓޫރިޒަމް ހަރަކާތަކަށް

މީޓިން އާއި ކޮންފަރެންސް އަދި ވިޔަފާރީގެ ބައްދަލުވުންތައް ހިމެނޭ، މައިސް ޓޫރިޒަމްގެ ހަރަކާތެއް ރާއްޖޭގައި ބާއްވަން އިންޑިއާ ކުންފުންޏެއްގެ 1،000 މުވައްޒަފުންގެ ގްރޫޕެއް ރާއްޖެ ގެނެސްފި އެވެ.

މީޓިންގްސް، އިންސެންޓިވްސް ކޮންފަރެންސް އަދި އެގްޒިބިޝަންސް (މައިސް) ޓޫރިޒަމް މި ހަރަކާތް ހިންގަން މި ހަރަކާތް ޕްރޮޕޯޓްކޮށް ރާއްޖެ ގައުމާ ބެހޭ ގޮތުން ރާއްޖޭގެ މާކެޓިން ކުންފުނި ވިޒިޓް މޯލްޑިވްސް ކޯޕަރޭޝަން އިން ބުނީ އިންޑިއާގެ މަޝްހޫރު ޓްރެވަލް ޕްލެޓްފޯމް ޕިކްޔޯޓްރޭލް އިން އިންތިޒާމްކޮށްގެން ގެނައި 1،000 ފަތުރުވެރިން ހިމެނޭ ގޯހައިލެވެލްގެ އިންޑިއަން ކޯޕަރޭޓް އޮފްސައިޓަށް ވިޒިޓް މޯލްޑިވްސް ކޯޕަރޭޝަން އާއި އެމްއޭސީއެލް އިން ވީއައިއޭ އިން ހޫނު މަރުހަބާއެއް ކިޔާފައިވާ ކަމަށެވެ.

އެ ކުންފުނިން ބުނީ މި މުހިންމު މައިސް ޓޫރިޒަމްގެ މި ދަތުރުގެ ސަބަބުން ރާއްޖޭގެ އެންމެ މުހިންމު އެއް ސޯސް މާކެޓުކަމަށްވާ އިންޑިއާގެ ކޯޕަރޭޓް އަދި ގްރޫޕް ދަތުރުފަތުރަށް އެންމެ ކަމުދާ މަންޒިލެއްގެ ގޮތުގައި ރާއްޖޭގެ ނަން އިތުރަށް ހަރުދަނާވެގެންދެ އެވެ. އަދި މި ދަތުރުގައި މޮޅެތި ފަންނާނުންނާއި މުވައްޒަފުން ރާއްޖޭގައި މަޑުކުރީ މިމަހުގެ 10 އިން 21 ގެ ނިޔަލަށް ސަން ސިޔާމް އޮޅުވެލީގަ އެވެ.

މި ގްރޫޕަށް މަރުހަބާ ކިޔުމުގެ ގޮތުން ބޮޑުބެރު ޕާފޯމަންސަކާއި ކިއުރޭޓެޑް ވެލްކަމް ހަދިޔާއާއި ވިޒިޓް މޯލްޑިވްސް ކޯޕަރޭޝަންގެ ޓީމުން ތަހުނިޔާ ވަނީ ކިޔާފަ އެވެ. 

މި ގްރޫޕުގައި ހިމެނޭ ފުރަތަމަ ވީއައިޕީން މި މަހުގެ 11 ވަނަ ދުވަހުން ފެށިގެން 13 ވަނަ ދުވަހާ ހަމައަށް އައިސްފައިވެ އެވެ.

ވިޒިޓް މޯލްޑިވްސް އިން ބުނީ މި ބޮޑު ކޯޕަރޭޓް އޮފްސައިޓް ދަތުރުގެ ސަބަބުން، ހައި ޕްރޮފައިލް މައިސް ދަތުރުތައް ބޭއްވުމުގެ ޤާބިލުކަން ރާއްޖެއަށް ލިބިގެންވާކަން އިތުރަށް ފާހަގަކޮށް، ޕްރިމިއަމް ތަޖުރިބާތައް ހޯދަން ބޭނުންވާ އިންޑިޔާގެ ކޯޕަރޭޓް ފަތުރުވެރިންނަށް ރާއްޖޭގެ ހިތްގައިމުކަން ފާހަގަކުރެވިގެންދެ އެވެ.

ވިޒިޓް މޯލްޑިވްސް ކޯޕަރޭޝަން އިން ދަނީ އިންޑިއާގެ ދަތުރުފަތުރުގެ ދާއިރާގެ ފަރާތްތަކާ ގުޅުން ބަދަހި ކުރަމުންނެވެ. އެގޮތުން ޕިކްޔޯޓްރެއިލް ކުންފުންޏާއެކު ހިންގާ މި ހަރަކާތުގެ އިތުރުން، ވިޒިޓް މޯލްޑިވްސް ކޯޕަރޭޝަންއިން ދަނީ މޭކް މައި ޓްރިޕް އަދި ޓީބީއޯ ފަދަ އިންޑިއާގެ މަޝްހޫރު ދަތުރުފަތުރުގެ ބްރޭންޑްތަކާ ގުޅިގެން މަންޒިލު ކުރިއެރުވުމުގެ ކެމްޕެއިންތައް ވެސް ކުރިއަށްގެންދަމުންނެވެ. މީގެ އިތުރުން، ބޮލީވުޑްގެ ތަރި ކެޓްރީނާ ކައިފް ވިޒިޓް މޯލްޑިވްސް ކޯޕަރޭޝަންގެ ގްލޯބަލް އެމްބެސެޑަރެއްގެ ގޮތުގައި ހަމަޖައްސާ، ކުރިއަށްގެންދާ ހައި އިންޕެކްޓް ކެމްޕެއިނެއް ވެސް މިހާރު ދަނީ ކުރިއަށެވެ.