އުމްރާއަށް ނުގެންދިއުމުން އަސްކޮއި ގުރޫޕުގެ ހުއްދަ ބާތިލްކޮށްފި

އަސްކޮއި އުމްރާ ކުންފުނިން މީހުން އުމްރާއަށް ގެންދިއުމަށް ފައިސާ ނަގައި ލަނޑު ދިން މައްސަލައިގައި، އެ ގްރޫޕުގެ އެއްވެސް ހިއްސާދާރެއް ހިމެނޭ ކުންފުންޏަކަށް އުމްރާއަށް މީހުން ގެންދިޔުމުގެ ހުއްދަ ނުދޭން އިސްލާމިކް މިނިސްޓްރީން ނިންމައިފި އެވެ.

އަސްކޮއި އުމްރާ ކުންފުނިން އުމްރާއަށް މީހުން ގެންދިއުމަށް ފައިސާ ނަގައި، ފުރަން އޮތް ދުވަހު ނުފުރައި ލަނޑުދީގެން އުޅޭ މައްސަލަ މިނިސްޓްރީއަށް ވަނީ ހުށަހަޅާފަ އެވެ. މިނިސްޓްރީން މިއަދު ނެރުނު ބަޔާނެއްގައި ބުނީ އެ ފައިސާ ދެއްކި މީހުންގެ ޕާސްޕޯޓާއި މުހިއްމު ލިޔެކިޔުންތައް ހޯދަން އަސްކޮއި ގްރޫޕުގެ އިސްވެރިޔާއަށް ގުޅަން ކުރި މަސައްކަތް ކާމިޔާބު ނުވިކަމުގެ ޝަކުވާތައް ވެސް ހުށަހަޅާފައިވާ ކަމަށެވެ.

މިނިސްޓްރީގެ ބަޔާނުގައި ބުނީ ކުންފުނީގެ އިސްވެރިޔާއަށް ރަސްމީ ގޮތުން މިނިސްޓްރީން ކުރި އެއްވެސް މުއާމަލާތަކަށް ޖަވާބު ދީފައި ނުވާ ކަމަށެވެ. އަދި، އެ މައްސަލާގައި އަސްކޮއި ގުރޫޕަށް މިނިސްޓްރީން ފޮނުވި ސިޓީއަށް ވެސް އެ ކުންފުނިން ޖަވާބު ދީފައި ނުވާ ކަމަށެވެ.

އަސްކޮއި ގުރޫޕުން އުމްރާ ފަހު ވަގުތު ދަތުރު ކެންސަލް ކުރީ، ސައުދީ އަރަބިއްޔާއަށް ދަތުރުކުރުން ރައްކާތެރި ނޫން ކަމަށާއި ގަލްފުގެ ނުރައްކާތެރިކަން ރަނގަޅުވުމުން ދަތުރު ކުރަން ކުންފުނިން ބޭނުންވާ ކަމަށް ބުނެ އެވެ.

އެހެންވެ، ރާއްޖޭން މީހުން އުމްރާއަށް ގެންދިޔުމުގެ އުސޫލާ އަސްކޮއި ގްރޫޕުން ހިލާފުވެފައިވާތީ އެ ކުންފުނި ޖޫރިމަނާކޮށް، އިތުރު ފިޔަވަޅުތައް އަޅާފައިވާ ކަމަށް އެ ބަޔާނުގައިވެ އެވެ.

އެ ކުންފުންޏަށް އެޅި ފިޔަވަޅުތަކަކީ؛

މީގެ ކުރިން ވެސް އެ ކުންފުނިން މީހުންގެ އަތުން ފައިސާ ނަގައި އުމްރާއަށް ނުގެންދިޔަ މައްސަލަތަކެއް ވަނީ ފެންމަތިވެ އެވެ. މިދިޔަ މޭ މަހު ވެސް ވަނީ އެފަދަ މައްސަލައެއްގައި އެ ކުންފުނި 130000 ރުފިޔާއިން ޖޫރިމަނާ ކޮށްފަ އެވެ.