އަބްދުއްރަހްމާންގެ މަރު: އަދިވެސް ގާތިލު ނުހޯދޭ
އޭނާ މަރުވި ސީދާ ސަބަބު ދެނެގަތުމަށް އިންޑިއާގެ ތިރުވަނަންތަޕޫރަމްއަށް ގެންގޮސް ވަނީ އޮޓޮޕްސީ ހަދައިފަ އެވެ. ފުލުހުން މިއަދު ބުނީ އަބްދުއްރަހްމާން މަރުވީ ބޮލަށް ލިބުނު އަނިޔާގެ ސަބަބުން ކަމަށް އޮޓޮޕްސީ ރިޕޯޓުން ހާމަވާ ކަމަށެވެ.
އއ. މާޅޮހުގައި މިމަހުގެ 13 ވަނަ ދުވަހުގެ ރޭ ދަންވަރު ބޮޑެތި ޒަހަމްތަކެއް ލިބުމުގެ ސަބަބުން އުމުރުން 65 އަހަރުގެ އެ ރަށު، އޯކިޑްމާގޭ އަބްދުލްރަހްމާން އާދަމް މަރުވި މައްސަލައިގައި އަދިވެސް މީހަކު ހައްޔަރު ނުކުރާ ކަމަށް ފުލުހުން ބުނެފި އެވެ.
އަބްދުލްރަހްމާނަށް ވަނީ ނިދާފައި އޮއްވާ ބޮޑެތި ޒަހަމްތަކެއް ދީފަ އެވެ. އޭނާގެ ބޮލުގައި މަރުތޭލު ޒާތުގެ އެއްޗަކުން ޖަހައި ބޯ ވަނީ ޗިސްކޮށްލައިފަ އެވެ. އޭނާ މަރުވެފައި ވަނީ ފަރުވާ ދިނުމަށް އެރަށު ސިއްހީ މަރުކަޒަށް ގެންގޮސްފައި ވަނިކޮށް އެރޭ ދަންވަރުގެ ވަގުތެއްގަ އެވެ.
އޭނާ މަރުވި ސީދާ ސަބަބު ދެނެގަތުމަށް އިންޑިއާގެ ތިރުވަނަންތަޕޫރަމްއަށް ގެންގޮސް ވަނީ އޮޓޮޕްސީ ހަދައިފަ އެވެ. ފުލުހުން މިއަދު ބުނީ އަބްދުއްރަހްމާން މަރުވީ ބޮލަށް ލިބުނު އަނިޔާގެ ސަބަބުން ކަމަށް އޮޓޮޕްސީ ރިޕޯޓުން ހާމަވާ ކަމަށެވެ.
އޮޓޮޕްސީއަށް ފަހު އޭނާގެ ހަށިގަނޑު ވަޅުލާފައި ވަނީ މިމަހުގެ 24 ވަނަ ދުވަހު އެވެ.
އަބްދުއްރަހްމާން މަރާލިތާ ދެ ހަފްތާއަށްވުރެ ގިނަ ދުވަސްވެފައިވާއިރު، މިހާތަނަށް ގާތިލަކު ހޯދިފައެއް ނުވެ އެވެ. ފުލުހުން މައްސަލަ ތަހުގީގު ކުރަމުންދިޔަ ނަމަވެސް ތަހުގީގާ ގުޅޭ އިތުރު އެއްވެސް މައުލޫމާތެއް މިހާތަނަށް ހާމަކޮށްފައެއް ނުވެ އެވެ.
ކޮމެންޓް
Republic of Maldives