ފަޔާޒް މަގާމުން އިސްތިއުފާ ދެއްވާފައިވާއިރު، އިއްޔެ ވަނީ އެ ކުންފުނީގެ މެނޭޖިން ޑިރެކްޓަރު މައުރޫފް ޖަމީލް އިސްތިއުފާ ދެއްވާފަ އެވެ.
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ޑެޕިއުޓީ މެނޭޖިން ޑިރެކްޓަރު ފަޔާޒު މަންސޫރު ވެސް މިއަދު މަގާމުން އިސްތިއުފާ ދެއްވައިފި އެވެ.
ފަޔާޒް މަގާމުން އިސްތިއުފާ ދެއްވާފައިވާއިރު، އިއްޔެ ވަނީ އެ ކުންފުނީގެ މެނޭޖިން ޑިރެކްޓަރު މައުރޫފް ޖަމީލް އިސްތިއުފާ ދެއްވާފަ އެވެ.
މައުރޫފް އިސްތިއުފާ ދެއްވާފައި ވަނީ އަންނަ މަހުގެ 18 ވަނަ ދުވަހު އޭނާ ރިޓަޔާ ކުރައްވަން ހުށަހަޅުއްވާފައި ވަނިކޮށް، އިސްތިއުފާ ދެއްވަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އެދިގެންނެވެ. ނަމަވެސް ފަޔާޒް އިސްތިއުފާ ދެއްވި ސަބަބު ސާފެއް ނުވެ އެވެ.
މައުރޫފް އިސްތިއުފާ ދެއްވުމުން، އިއްޔެ ވަނީ އެޗްޑީސީގެ އެމްޑީގެ މަގާމަށް ރޯޑުޑިވެލޮޕްމަންޓް ކޯޕަރޭޝަން (އާރުޑީސީ)ގެ މެނޭޖިން ޑިރެކްޓަރަކަށް ހުންނެވި އަލީ ޒުހައިރު އައްޔަނު ކޮށްފަ އެވެ.
އަދި ޒުހައިރުގެ ބަދަލުގައި އާރުޑީސީގެ އެމްޑީގެ މަގާމަށް، ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި، އިބްރާހިމް ނަޒީމް ވަނީ އައްޔަނު ކޮށްފަ އެވެ.