މި އަހަރުގެ މިހާތަނަށް ޓެކުހުގެ އާމްދަނީ ހަތަރު ޕަސެންޓް އިތުރު

މި އަހަރުގެ މިހާތަނަށް ދައުލަތަށް ޓެކުހުން ލިބުނު އާމްދަނީ ހަތަރު ޕަސެންޓް އިތުރުވެފައިވާ ކަމަށް ދައްކައިފި އެވެ، 

ފިނޭންސް މިނިސްޓްރީން މިމަހުގެ 17 ވަނަ ދުވަހުގެ ނިޔަލަށް އާއްމުކުރި، ވީކްލީ ފިސްކަލް ޑިވްލޮޕްމަންޓް ނުވަތަ ހަރަދާއި އާމްދަނީގެ ތަފުސީލް ދައްކާ ގޮތުން މިދިޔަ އަހަރުގެ މި މުއްދަތާ ހަމައަށް ދައުލަތަށް އާމްދަނީގެ ގޮތުގައި ލިބިފައިވަނީ 14.9 ބިލިއަން ރުފިޔާ އެވެ ނަމަވެސް މި އަހަރު މި އަދަދު ހުރީ 15.6 ބިލިއަން ރުފިޔާގަ އެވެ. މިއީ ގާތްގަނޑަކަށް ހަތަރު ޕަސެންޓުގެ އިތުރުވުމެކެވެ. 

ޓެކުހުގެ އާމްދަނީގެ ތެރޭން މި އަހަރުގެ މިހާތަނަށް އެންމެ ބޮޑު އިތުރުވުމެއް އައިސްފައިވަނީ މި އަހަރުގެ ބޮޑުކުރި ގްރީން ޓެކުހާއި އެއާޕޯޓް އެއާޕޯޓްސް ސާވިސް ޗާޖު އަދި ޑިޕާޗާ ޓެކުހުންނެވެ. މިގޮތުން ގްރީން ޓެކްސް މިދިޔަ އަހަރަށްވުރެ 48 ޕަސެންޓުގެ އިތުރުވުމެއް އައިސްފައިވެ އެވެ. އަދި އެއާޕޯޓް އެއާޕޯޓްސް ސާވިސް ޗާޖު އަދި ޑިޕާޗާ ޓެކުސް 56 ޕަސެންޓުގެ އިތުރުވުމެއް ފާހަގަ ކުރެވެ އެވެ. އަދި ޓޫރިޒަމް ޖީއެސްޓީ އެވެ. 

މި އަހަރުގެ މިހާތަނަށް ޓެކްސް ނޫން ގޮތްގޮތުން 4.6 ބިލިއަން ރުފިޔާ ވަނީ ލިބިފަ އެވެ. މިދިޔަ އަހަރު މި އަދަދު ހުރީ 3.4 ބިލިއަން ރުފިޔާގަ އެވެ. މި އަހަރުގެ މިހާތަނަށް އެންމެ ބޮޑު އިތުރުވުމެއް އައިސްފައިވަނީ ފީ އާއި ޗާޖުގެ ބައިންނެވެ. މިބައި އުޅެނީ ދެ ބިލިއަން ރުފިޔާގަ އެވެ. އަދި ރިސޯޓް ރެންޓުގެ ގޮތުގައި އެއް ބިލިއަން ރުފިޔާ ލިބިފައިވެ އެވެ. މީގެ އިތުރުން އެއާޕޯޓް ޑީވްކޮޕްމަންޓް ފީގެ ގޮތުގައި 941.6 މިލިއަން ރުފިޔާ ލިބުނު ކަމަށް ދައްކަ އެވެ. 

މިހާތަނަށް ޖުމްލަ އާމްދަނީގެ ގޮތުގައި ދައުލަތަށް ލިބުނީ 20 ބިލިއަން ރުފިޔާ އެވެ. މިދިޔަ އަހަރު މި އަދަދު ހުރީ 19 ބިލިއަން ރުފިޔާގަ އެވެ. މީގެތެރޭގައި ހިލޭ އެހީގެ ގޮތުގައި ލިބޭނެ އަދަދުގެ ގޮތުގައި ހިމެނެނީ އެންމެ 165.3 މިލިއަން ރުފިޔާ އެވެ. އަދި މި އަހަރު ޖުމްލަ އާމްދަނީގެ ގޮތުގައި ލިބޭނެ ކަމަށް އަންދާޒާ ކުރީ 39,7 ބިލިއަން ރުފިޔާ އެވެ.